Zeng

Open Now

Now Closed

今次嚟到銅鑼灣嘅西餐廳，因為聽聞呢度有得book房，入邊仲有得唱K添。入到房入邊，有落地玻璃出面仲望到海景。今次係叫咗一個生日嘅晚餐，餐牌係廚師發板。首先係一個頭盤入邊有巴馬火腿，煙肉芝士等等。之後就係極新鮮生蠔配搭住秘製嘅醬汁，食落仲有淡淡的海水味，上邊仲有配搭住魚子，加埋檸檬汁，鹹鹹酸酸嘅味道非常開胃。跟住嘅係濃郁嘅龍蝦湯，旁邊杯仲以一個蟹鉗作為裝飾。接着係魚子醬配生蝦，蝦極度新鮮，超級彈牙，上面仲有味道濃郁嘅魚子醬，口感極佳。炸魚係意想不到的，表面個皮脆卜卜，估唔到啲魚肉竟然係超級滑。再加埋個秘製醬汁，真係令人食到停唔到口，口感一流。天使麵同朱古力慕絲蛋糕就普普通通，同出邊差唔多。