Otto Restaurant (Closed)

一入到黎間餐廳就已經好有氣氛暗暗地咁，而且waitress嘅服務都好貼心。Waitress會問我地凍唔凍，凍的話會有披肩借俾我地，真係好細心。帶子他他，帶子面頭有金箔同黑魚子睇落好grand，帶子已經切碎左，但睇落仲好完整，撈埋啲蔬菜同帶子黎食，感覺好fresh。餐湯係松露湯，中間凸起果個位除左松露之餘，仲有隻蠔響度嫁，個湯飲落都幾creamy，但係又唔會好濟。呢個係意大利雲吞，本身應該上鴨肝嘅，不過因為我唔食鴨肝，所以廚房都好好，特別為我整左呢味意大利雲吞。平時食果啲意大利雲吞幾乎食唔倒中間有餡，但係呢個就出奇地多，而且個汁酸酸甜甜咁都幾開胃。食主菜之前有個青檸雪皅上，個雪皅嘅味道有小小似四方果啫喱嘅味，食完覺得好fresh。主菜係黑毛豬，隻豬本身就已經好香，食落軟綿綿咁，可以揀沾海鹽或者前面個汁，我就鐘意海鹽多啲，不過個汁就野味啲。Btw前面果兜係薯蓉黎，係蛋黃醬薯蓉，真係好特別。甜品係白桃味嘅慕絲，白桃味都幾濃，不過食落酸酸甜甜嘅，本來已經好飽，但食完好似冇咁飽。而且個慕絲好香奶味。