藍象泰國餐廳 (Closed)

有朋友喺美國返嚟香港，佢話想食泰國菜。平時食泰國嘢一定會去九龍城，普遍嘅印象係坐得會有啲逼，今次帶朋友食，想搵啲又好食又坐得舒服嘅泰國菜，可以傾吓計。剛巧發現到一間喺尖沙咀港威中心嘅海景泰國菜，係openrice評分唔錯，今日放工就嚟咗食啦。-餐廳入邊環境好浪漫，我哋book咗枱，好好彩安排左一張可以睇到海景嘅枱比我地。坐得舒服，同隔離枱都相隔得遠，傾計都唔怕俾隔離聽到～-叫左個沙律做前菜牛油果大蝦沙律　$128大蝦加牛油果既配搭好新鮮！再加上一個酸酸辣辣既冬蔭公味既汁，好開胃既感覺！另外仲有半邊牛油果完整上，上面淋左D椰汁，好好食啊～-泰式沙嗲4串 $108簡左和牛，普通牛肉串燒就比較常見～和牛串燒就第一次見到！和牛燒得好香，牛味香濃，啖啖肉汁。點埋沙嗲醬亦係一個唔同既口味！-藍象特色青咖哩配牛肉 $188餐牌上面寫左係藍象推薦，當然要試下！平時食咖哩最怕就係好快就凍哂，呢度既青咖哩上菜時仲有個火去暖住，食到最後都仲係熱辣辣！係用牛腩，好入味，煮得好淋！同埋個青咖哩有少少辣，好香口，最岩用黎送飯～-菠蘿雞肉炒飯 $138呢個係另一個藍象推薦，上碟個presentation好靚！個炒飯