Okapi (Closed)

今晚同朋友黎左呢間好好feel既意大利餐廳 – Okapi呢度環境幾浪漫，空間感大, 仲有駐場歌手唱歌，見到好多情侶黎慶祝生日，我地點左呢個蕃茄紅花海鮮煲2人餐, 算係比較特別既set~頭盤係凱薩沙拉配Parma ham, 沙拉菜好甜好爽口, sauce亦夠多, 唔錯~ 之後再黎煙肉菠菜雲吞, 呢個一上枱已經好香, 個汁好rich好似食緊carbonara, 一共有3隻菠菜雲吞, 個汁好正點都好食~到主角蕃茄紅花海鮮煲，勁大煲入面有龍蝦、青口、蜆、魚塊、大蝦、粟米同薯仔, 隻龍蝦有前臂咁大, 好大隻好誇張~ 啖啖肉個頭仲有膏，龍蝦肉吸哂蓄茄湯既味道, 而且肉質彈牙~ 其他海鮮都好新鮮，特別係大蝦好爽口, 個蕃茄湯底都好濃好飲，不過太大煲飲唔哂, 睇menu以為唔多野食, 但原來都幾飽肚~ 最後係甜品心太軟, 心太軟好流心, 朱古力好rich唔太甜, 不過蛋糕略嫌唔夠鬆軟~整體個海鮮煲好有驚喜, 加上餐廳環境浪漫, 適合情侶黎慶祝特別日子~