Video
Read full review
2023-05-24
99 views
平時食西餐嘅氣氛主要嚟自餐廳裝潢和燈光效果，今次介紹嘅西餐特別在於佢係建造於香港公園嘅湖邊，周圍亦都比大樹環抱，有一種湖中小屋嘅感覺。沙律和是日餐包餐包可以配搭意大利黑醋一齊食。而沙律就叫咗日式寒天沙律和意式蕃茄水牛芝士沙律，個人覺得最特別嘅係彈牙啫喱形狀嘅寒天，配搭沙律菜一齊食真係別有一番風味。煎帶子配海膽汁 $188三粒厚身嘅香煎帶子，用薄到透光嘅青瓜片包圍，實在好考廚師嘅功力。帶子面頭加入三文魚籽和海膽，三種海鮮嘅味道融合埋一齊，令到鮮味提升到另一個層次。煎法國鵝肝法國鵝肝兩邊煎香到金黃色，入口即溶又充滿油脂香。另外廚師放入香橙和無花果做配菜，可以更加中和鵝肝嘅油膩感。銀鱈魚西京燒銀鱈魚連魚皮煎到金黃色，魚皮部分非常香脆，魚肉肉質鮮嫩又帶甜，食落好開胃。石鍋牛丼飯配溫泉蛋熱辣辣嘅石鍋入面放入半生熟嘅牛肉，食之前可以先攪拌一下溫泉蛋和半生牛肉令其混和。熱石鍋會令到牛肉和飯粒更加熟透和焦香，淨係聞到香氣已經好吸引。另外主菜仲試左烤香草羊架和香蒜橄欖油油露筍意大利粉。羊架肉質呈粉紅色又唔會有羊羶味，肉質軟腍又粉嫩。而意大利粉充滿香蒜和橄欖油味道，十分惹味。最後嚟到甜品嘅環節。紅色心形嘅
沙律和是日餐包
餐包可以配搭意大利黑醋一齊食。而沙律就叫咗日式寒天沙律和意式蕃茄水牛芝士沙律，個人覺得最特別嘅係彈牙啫喱形狀嘅寒天，配搭沙律菜一齊食真係別有一番風味。
煎帶子配海膽汁 $188
三粒厚身嘅香煎帶子，用薄到透光嘅青瓜片包圍，實在好考廚師嘅功力。帶子面頭加入三文魚籽和海膽，三種海鮮嘅味道融合埋一齊，令到鮮味提升到另一個層次。
煎法國鵝肝
法國鵝肝兩邊煎香到金黃色，入口即溶又充滿油脂香。另外廚師放入香橙和無花果做配菜，可以更加中和鵝肝嘅油膩感。
銀鱈魚西京燒
銀鱈魚連魚皮煎到金黃色，魚皮部分非常香脆，魚肉肉質鮮嫩又帶甜，食落好開胃。
石鍋牛丼飯配溫泉蛋
熱辣辣嘅石鍋入面放入半生熟嘅牛肉，食之前可以先攪拌一下溫泉蛋和半生牛肉令其混和。熱石鍋會令到牛肉和飯粒更加熟透和焦香，淨係聞到香氣已經好吸引。
另外主菜仲試左烤香草羊架和香蒜橄欖油油露筍意大利粉。羊架肉質呈粉紅色又唔會有羊羶味，肉質軟腍又粉嫩。而意大利粉充滿香蒜和橄欖油味道，十分惹味。
最後嚟到甜品嘅環節。紅色心形嘅雲呢拿忌廉配士多啤梨夾心餅和黑色圓柱形嘅黑朱古力慕絲配伯爵茶忌廉脆餅，兩款打卡感十足。味道香甜又唔膩，個人比較鍾意伯爵茶嘅茶香，食完仲有茶嘅回甘味。
Post
