Opa Mediterranean Bar and Bistro (Closed)

抵食的2人餐 前菜主食甜品2人晚餐都係$348酒吧餐廳係我眼中都是不便宜晚餐，但呢間二人嘅晚餐真係飽肚又抵食。地中海茄泥醬 佢配左希臘芝士，石榴，皮塔包。見佢賣相以為佢麻麻哋，但食落個味道一流，落勁多落去個包度一齊食，超滿足，唔識形容個味道但係真係出色。香蒜橄欖油意粉平淡橄欖油意粉，配上有好多蒜片嘅香蒜，清淡得來又唔會無味，健康啲地中海烤雞最滿意就係佢個雞髀位，仲要有沙律菜同薯條，平時多數係二選一，食完呢個都好飽肚西班牙油條伴雪糕超鍾意食西班牙油條，佢真係好香脆好香嘅玉桂粉味，連個雪糕我都好滿意，因為佢曲奇雪糕勁大粒嘅曲奇，似係自家製好足料。Big Bang $88好鍾意裝住嘢飲嘅雀仔，打卡一流，雖然佢冇酒精，好香嘅芒果味，除咗芒果仲有菠蘿加埋一齊唔會話好甜，鍾意飲芒果汁必叫Pule Fiction $88呢杯都係mocktail,但比起芒果汁去比較甜啲，但佢係我最鍾意嘅桃，好易入口好好飲。仲有好靚嘅千秋打卡位，但咁啱當天有人喺度食緊野好可惜影唔到。