Shine (Closed)

燒安格斯肉眼扒上碟已經見到很大塊的肉眼扒，兩個人食一定夠。肉身中央嫩紅，很吸引，我哋叫了七成熟，傳來陣陣焦香，肉質嫩滑，帶有少少肥，很香濃肉味。仲有煎至金黃的薯片，薯片吸收牛肉香味，點上紅酒汁，正。伴碟有整個蒜頭，露筍，車里茄，平衡肉的口感。和風鮭魚意大利飯配搭出奇地夾，鮭魚即係三文魚，我對熟三文魚情有獨鍾，因為魚香濃郁，加上忌廉汁很滑口，有紫菜碎增加香味，仲有三文魚籽，口感提升。火焰雪山老公非常期待，外層豐富的香滑忌廉，店員淋上冧酒後，就藍光再現。熄火後切開入面有朱古力馬卡龍，brownie , 雪糕小蛋糕，仲有切粒的草莓，唔算太甜，在尋找這些小甜點的過程中，雖然忌廉食唔曬，但總算食得很愉快。呢餐都算食得很浪漫，喜歡昏黃的環境，我坐的梳化位都好舒適。