紫醉軒 (Closed)

有時想食中菜但又唔想環境太嘈吵，我會諗起呢度。大大個酒水吧位，放滿吸睛嘅各式酒類，紫紅色傢俱主題，亦有戶外露台區可以出去飲杯野。雖然唔知冬天究竟幾時先來臨，但補身就幾時都需要。叫番個羊肚菌松茸燉老鷄 ($108)，吸睛器皿，原盅燉，營養滿分。松茸羊肚菌雞湯，有養顏養胃、滋陰益氣嘅功效。兩款都係很珍貴嘅食用菌，配合埋老鷄一齊燉，入口鮮甜無比，熱度滿分，飲完成身䁔晒～上次食過嘅黑磚豆腐 ($98)，今晚再次被"點燈"就知佢咩料啦?!炸物當然要趁熱食，入口先有惹味香脆嘅外皮，與內裏嘅嫩滑豆腐相輔相成，呢個黑白配果然無叫錯。之後到蔥油脆皮鷄 ($238)上場，顏色相當靚仔，呢客應該係半隻份量鷄皮下只有少量脂肪，入口香脆之餘亦食到鷄油香味; 肉質保持嫩滑，無論就咁食還是點甜豉油都正喎。食到中間發現有芋泥，甜甜地; 而綠色嘅就係蔥油，用黎加少少落白飯一齊食無浪費。一向鍾情食海皇濃湯粉絲雜菜煲 ($148)，一煲有齊多樣蔬菜及海鮮，有濃湯濕濕地易入口，簡單又健康之選海鮮包括有帶子，魚塊，魷魚，蝦球及蝦乾; 西蘭花，椰菜花，娃娃菜，紅蘿蔔及鮮菇，仲有粉絲，份量十足。坐得舒服，上菜速度適中，侍應不時主動