Gastrobox The Cameron (Closed)

星期五晚要食好d,專門book左枱同男朋友撐枱腳。餐廳裝修不錯的，樓底仲相當高，坐得舒服，心情都好d。加68蚊可以有set，配有田園沙律，是日餐湯，同埋餐茶，真系好抵。寫左野之後，侍應就端左面包籃，脆脆的餐包味道不錯。黑醋沙律汁酸酸地十分開胃，沙律菜好新鮮。是日餐湯系我最鐘意的黑松露野菌湯，黑松露味道濃郁，仲有野菌碎，好好味。香煎珍寶虎蝦配黑松露意大利飯，虎蝦肉質鮮甜，肉好厚實，而黑松露飯都好吸引。英式萍果酒炸魚，炸魚好juice,配有薯條，香脆好邪惡！紫蘇蒜蓉天使麵配龍蝦，龍蝦肉系切成細粒，與蒜蓉爆香左之後，配上天使麵，再將龍蝦頭做裝飾，賣相不錯，味道也很好。