Shine (Closed)

今日放工想同男朋友食西餐浪漫下，諗住去尖沙咀方便d，所以就想試下呢間Shine。餐廳環境闊落，環境舒適，有酒吧的感覺。頭盤呢我就叫咗個牛油果大蝦沙律，牛油果夠熟，大蝦都幾爽口，配搭酸酸甜甜的沙律，胃口大增呀！另外叫左個蒜茸蝦多士，蒜頭味都幾重，同埋有少少辣，都幾惹味。主食就叫左明太子帶子三文魚子意粉，帶子煎得剛剛好，配埋明太醬同埋三文魚子都幾日式風味，好食。最後仲想試埋海鮮墨魚汁意大利飯，雖然食到個口好黑，但有好多唔同種類的海鮮，有青口，蝦，帶子，鐘意食海鮮就記得叫呢個啦。飲品就叫左個gin tonic。