Otto Restaurant (Closed)

雖然我同女友平時都好鐘意周圍掃街，但有時都要去D浪漫既餐廳食餐豐富既晚餐平衡下，於是就去左銅鑼灣既Otto Restaurant食法國菜。煙三文魚凱撒沙律沙律菜夠爽口，而且冇多餘既水份，食到脆口既感覺。煙三文魚充滿油潤感，加埋芝士同麵包粒，簡單又好食。龍蝦海鮮酥盒酥皮非常鬆脆，中間釀左龍蝦肉及磨菇粒，加埋忌廉汁，好有口感。活龍蝦石鍋濃湯 另外加錢要左一份龍蝦湯，用石鍋呈上，上檯時仲係熱騰騰，一剪開紙口就熱力四射。龍蝦湯味道鮮甜美味，而龍蝦肉的份量都唔少，而且肉質結實彈牙，如果覺得太濃味，可以加點忌廉中和一下，雖然價錢貴左少少但值得一試。青檸雪葩飲完咁濃味既龍蝦湯係時候食個雪葩清下個味蕾，酸酸甜甜既雪葩，仲有青蘋果粒係入面，好食到想食多杯。西斑牙黑毛豬主菜揀左7成熟既西斑牙黑毛豬，淺粉紅既黑毛豬煮得岩岩好，口感嫩滑，肉味濃郁，只係點海鹽已經帶出鮮味。芝士蛋糕最後甜品係芝士蛋糕，味道唔會太甜，細細件岩岩好。環境優美又浪漫，食物質數高，帶女友一齊品嚐一定唔會黑你面。