Amour Corner (Closed)

餐廳燈光微暗，每枱枱上放有蠟燭，燭光令到餐廳氣氛好浪漫。其實係見到門口有精選生蠔6隻，有三款口味任揀。有南非、加拿大和愛爾蘭，南非大隻比較淡，加拿大好厚肉肥大，愛爾蘭比起其他較細隻，但最鹹較濃味。頭盆迷你芝士拼盤，三款味道不同，有款奶味較重，有款芝士味重，有款是兩款之間。而青蘋果鵝肝多士，鵝肝煎到剛剛好，和青蘋果一齊食，好夾冇咁油。忌廉海蝦墨魚麵，墨汁多，食到個咀烏卒卒。香草煎封羊架，三成熟。近骨位肉質粉紅色，較生的位置最好味，好滑又唔蘇。