Nathanhouse (Closed)

今日同好朋友來到奧海城行街，行到餓餓地枇搵野食，穿過大食代food court隔離原來有間西餐廳，就入去試下啦~佢地晚市有好多promotion，仲有set，我地叫咗兩個dinner set，包湯／沙律，主食同餐飲~🎃香濃南瓜湯用新鮮嘅南瓜肉整出嚟嘅南瓜湯， 特別香濃鮮甜 🐠西京燒比目魚柳魚柳肉香甜，燒汁熱辣辣喺魚柳上面份外惹味， 好怕食到魚骨嘅我， 又唔識挑骨，能夠食到冇骨嘅魚，而且魚肉又鮮甜，仲要係白肉， 冇脂肪 ，十分健康 🦐虎蝦香濃芝士意大利飯 大大隻新鮮虎蝦，原隻香燒， 加上香濃味芝士飯意大利飯真係絕配， 意大利飯質軟硬適中， 初時以為好大碟食唔曬，可能因為太好味 ，所以食下食下最終都食得曬  加上餐廳環境優雅浪漫🌹 ，職員態度服務友善殷勤，下次再去奧海城一定再去食多次！