INN - I’m Not Nothing (Closed)

因為之前太忙，連週年飯都要改遲先食，所以揀餐廳方面都唔可以揀得太隨便。時間係星期六夜晚，雖然地點唔算太就腳，不過都有唔少情侶入黎幫襯，可能燈光較暗，望落幾浪漫。餐湯就蘑菇湯，淡淡地仲有唔少蘑菇碎粒咬下。揀左香草牛油白菌醃法國田螺做前菜。雖然只係前菜但佢擺碟算幾有心機。除左主角田螺同薯蓉底之外，伴碟的菜都起碼成四五款，幾鮮艷奪目，少少可惜就係田螺味道偏咸。主菜之一就係芝士烤春雞配松子仁白松醬意大利飯。春雞有半隻，雞肉有少少「鞋」，但烤出黎又唔會好燶，而且味道夾到個意大利飯，飯粒同汁比例幾fit，咬落唔會太濕或太乾，係飯的份量可能少了點。另外一個主菜就係香蒜鮑魚伴澳洲肉眼扒8安士配紅酒燒汁。扒就唔算多筋，咬落肉味好重，火候做到五成熟，伴個鮑魚仔就有點新意，夾蒜蓉味道完全OK。同另外兩碟一樣都有唔同顏色的配菜呢幾碟都係物有所值，大家都食得滿足。