Video
Read full review
2018-04-07
2257 views
銅鑼灣登龍街V Point開左一段時間，聽聞上面嘅餐廳有景又有好野食，為左慶祝同女朋友嘅紀念日，日本野通常唔會失禮人，希望佢滿意啦！真係靚景！今次叫d野食有d特別，雖然係日式鐵板燒，但係點左一d西餐食材，唔知出黎既效果會係點？頭盤胡麻豆腐+白飯魚蛋捲+金醋尤魷魚魷魚個汁酸酸甜甜，好開胃，胡麻豆腐好唔似豆腐，胡麻味好重，個蛋捲食唔出有白飯魚，不過好有蛋味！刺身有三款，分別係深海池魚，白蝦同金目鯛。師傅特別地將啲刺身有所加工，例如將白蝦切碎再混入櫻花蝦，令到佢比較有口感，而將金目鯛表面火炙過，令魚油香味更突出！北海道帆立貝非常大隻，厚肉，切落去嘅時候完全唔會散晒，師傅特意將一啲菊花嘅材料放喺旁邊嘅器皿加熱，再配上食用菊花，完全係色香味俱全，最後再食埋細細杯的菊花啫喱，感覺清新！象拔蚌配山葵忌廉汁新鮮象拔蚌好爽囗，想不到份量幾多，山葵忌廉汁山葵味不是太濃，忌廉味比較突出，令人食唔停口！鵝肝你塊鵝肝可能係我咁耐以來最好食嘅鵝肝，原因在於佢唔會爆油，肥美度非常平均，師傅用鐵板煎到兩邊好脆，好香口，但係裏面又唔會好乾身，e度菜完全係享受高級食材同埋師傅嘅手勢！伊比利亞豬鞍配九洲蔬菜又一高級食材，師
真係靚景！
今次叫d野食有d特別，雖然係日式鐵板燒，但係點左一d西餐食材，唔知出黎既效果會係點？
頭盤
胡麻豆腐+白飯魚蛋捲+金醋尤魷魚
魷魚個汁酸酸甜甜，好開胃，胡麻豆腐好唔似豆腐，胡麻味好重，個蛋捲食唔出有白飯魚，不過好有蛋味！
刺身
有三款，分別係深海池魚，白蝦同金目鯛。師傅特別地將啲刺身有所加工，例如將白蝦切碎再混入櫻花蝦，令到佢比較有口感，而將金目鯛表面火炙過，令魚油香味更突出！
北海道帆立貝
非常大隻，厚肉，切落去嘅時候完全唔會散晒，師傅特意將一啲菊花嘅材料放喺旁邊嘅器皿加熱，再配上食用菊花，完全係色香味俱全，最後再食埋細細杯的菊花啫喱，感覺清新！
象拔蚌配山葵忌廉汁
新鮮象拔蚌好爽囗，想不到份量幾多，山葵忌廉汁山葵味不是太濃，忌廉味比較突出，令人食唔停口！
鵝肝
你塊鵝肝可能係我咁耐以來最好食嘅鵝肝，原因在於佢唔會爆油，肥美度非常平均，師傅用鐵板煎到兩邊好脆，好香口，但係裏面又唔會好乾身，e度菜完全係享受高級食材同埋師傅嘅手勢！
伊比利亞豬鞍配九洲蔬菜
又一高級食材，師傅特別地在鐵板上用櫻花木煙燻，肉汁得以鎖住，豬肉質地嫩滑，肥瘦均勻。不得不提他們用上香草海鹽同埋紀州梅醬，兩者方間少見，與豬鞍成為絕配！
松葉蟹肉泡飯
一般嘅鐵板燒最後都會用上鐵板炒飯，而師傅特別幫我地炮製左一道泡飯，幫我地消滯，湯底清清地，蟹肉比例算多，d飯好好食，泡飯都食到一粒粒！
抹茶布丁好滑，有好濃既茶味，重料之作！
有夜景有美食，天公又造美，只能說「完美」！
Post
