Video
Read full review
2022-08-23
53 views
📍𝗙𝗼𝗹𝗹𝗼𝘄 (長沙灣) 今次嚟到位於長沙灣嘅隱世西餐廳 - 𝗙𝗼𝗹𝗹𝗼𝘄~ 💞餐廳嘅環境氣氛好浪漫，入面佈置放滿咗好多花花草草🌹，加上靚靚嘅小燈飾，好有格調，令客人感到格外舒適。𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️二人套餐 ($488) 🔸頭盤 - 凱撒沙律頭盤已經好驚喜，因為個沙律超豐富！🥗新鮮嘅沙律菜伴有好多Parma ham，望落去已經好吸引。沙律菜好爽口，另外仲有好多芝士粉同燕麥，為沙律增添不少口感。🔸是日餐湯 - 番茄薯仔牛腩湯番茄味好香濃🍅，唔會太過酸，飲落好開胃。而且好足料，入面有唔少牛腩肉。 🔸前菜 - 意大利雲吞意大利雲吞有三大粒，佢嘅醬汁係蕃茄醬，味道酸酸甜甜~ 雲吞皮好煙韌，入面嘅餡料係菠菜蓉同芝士🧀，整體味道好夾，仲好juicy~ 🔸主菜 - 燒西班牙豬鞍配薯菜平時都好少會食豬，因為好驚會整得好乾好鞋，但呢個真心有驚喜🥳!! 首先塊豬鞍好大塊厚身🐷，一切開就見到啲肉汁慢慢流出嚟，超吸引！豬鞍燒得外脆內軟，好香口，🥰食落肉質軟腍，肉汁豐富，簡單嘅調味更加突出到佢本來嘅香味，旁邊仲配有芥末醬同一款薄荷嘅特製醬汁，食完都唔會有太大嘅肥膩感。薯菜有芝士薯波同章魚燒，好滿足
今次嚟到位於長沙灣嘅隱世西餐廳 - 𝗙𝗼𝗹𝗹𝗼𝘄~ 💞餐廳嘅環境氣氛好浪漫，入面佈置放滿咗好多花花草草🌹，加上靚靚嘅小燈飾，好有格調，令客人感到格外舒適。
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️二人套餐 ($488)
🔸頭盤 - 凱撒沙律
頭盤已經好驚喜，因為個沙律超豐富！🥗新鮮嘅沙律菜伴有好多Parma ham，望落去已經好吸引。沙律菜好爽口，另外仲有好多芝士粉同燕麥，為沙律增添不少口感。
🔸是日餐湯 - 番茄薯仔牛腩湯
番茄味好香濃🍅，唔會太過酸，飲落好開胃。而且好足料，入面有唔少牛腩肉。
🔸前菜 - 意大利雲吞
意大利雲吞有三大粒，佢嘅醬汁係蕃茄醬，味道酸酸甜甜~ 雲吞皮好煙韌，入面嘅餡料係菠菜蓉同芝士🧀，整體味道好夾，仲好juicy~
🔸主菜 - 燒西班牙豬鞍配薯菜
平時都好少會食豬，因為好驚會整得好乾好鞋，但呢個真心有驚喜🥳!! 首先塊豬鞍好大塊厚身🐷，一切開就見到啲肉汁慢慢流出嚟，超吸引！豬鞍燒得外脆內軟，好香口，🥰食落肉質軟腍，肉汁豐富，簡單嘅調味更加突出到佢本來嘅香味，旁邊仲配有芥末醬同一款薄荷嘅特製醬汁，食完都唔會有太大嘅肥膩感。薯菜有芝士薯波同章魚燒，好滿足！
🔸主菜 - 酸奶忌廉封門柳手工闊條麵
封門柳大約五成熟，牛味香濃，肉質鮮嫩！🍝闊條麵嘅口感好彈牙，仲帶有少少麥香味。配料方面會有好多雜菌，而醬汁係酸奶忌廉，口感好豐富好濃郁，食落飽肚感好足，但唔會感覺太滯~
🔸餐飲 - 士多啤梨乳酪沙冰
士多啤梨味好香🍓，配埋濃郁乳酪係perfect match!! 飲品面頭仲會有少少士多啤梨~
🔸餐飲 - 芒果菠蘿乳酪沙冰
係一杯好適合夏天嘅飲品，🥭芒果同菠蘿味🍍好夾，酸酸甜甜咁好好飲！
𝑨𝑫𝑫𝑹𝑬𝑺𝑺:
📍長沙灣東沙島街青山道181號地下C舖
Shop C, G/F, 181 Castle Peak Road, Cheung Sha Wan
Post
