Follow (Closed)

長沙灣 西餐廳原本打算去的餐廳full booking ，最後我哋一行七人轉到附近 長沙灣這間西餐廳我哋點左牛扒set dinner ，鵝肝多士🧇 ，肉醬意粉，香蒜意粉， 黑松露意大利飯 同埋burger🍔推介鵝肝多士鵝肝大塊，多士好脆 🍞黑松露意大利飯也不錯 ，黑松露味濃但整體不太油膩

幾適合一班人聚會或者約埋三五知己既聚腳cafe🤓最印象深刻既係隻豬手🐷非常打卡dable 店員會倒d酒落去點火🔥但係有個唔好處係有d肉會有打陣酒精味😂😂豬手皮好脆好脆 味道已適中 加上d酸菜食 正👍🏻

今日中午與一班同事往來午膳。我們一行12人，食了幾個午餐。我叫了一個5成熟的牛小排，但怎知來到時係全熟，再入口品嚐時，發現廚師放太多鹽，令到塊扒咸到苦。我向同事了解他們的情況，他們亦反映整體食物都偏咸。所以我無叫佢換的意慾。我的兩個同事叫了肉眼扒，但一等就等了50分鐘。如果趕時間的就千祈唔好來幫襯。如10分鐘仍未他們出餐，真係要多次催佢地先得。俾百幾蚊食個餐重要受氣，真係無下次。

呢間話想食好耐，但係見到個餐牌D價錢又有D卻步🫣卒之老公話點都試一試今日就去會一會佢佢入面嘅裝修都幾靚擺得都幾有心思Lunch set 都有平有貴好似都抵過晚餐我嗌咗個西蘭花雜菌意大利飯諗住冇咁肥😂不過都好過有肉個D，我覺得好食，不過偏鹹咗少少反而老公嗰個值得推介BBQ燒豬串係有四條咁多，D肉嫰唔鞋薯條都好好味👍🏻仲有三塊我最鍾意嘅脆肉瓜雖然價錢貴少少，不過都係可接受嘅佢個餐包湯或者沙律我同老公都揀左南瓜湯感覺係南瓜打出黎不是開粉的🤭

美國穀飼牛｜牛油焗青衣魚扒玫瑰鮮奶咖啡｜牛角窩夫雪糕｜cherry雪葩意大利菜為主的西餐廳，價格經濟實惠吃一頓豐富的西餐，可令人變得心情愉快我聽我好友介紹去食長沙灣的FOLLOW餐廳近門口種滿了植物，簡約木紋嘅桌椅我點了燒美國穀飼牛配薯菜$148(5成🐮)穀飼牛較為精瘦而充滿肉汁 🤩不點燒汁已經好回味無窮另外點了汁多味美的牛油焗青衣魚扒$118跟餐點玫瑰鮮奶咖啡加$20，真令人滿足令我又充滿驚喜的是甜品🥐🥐看賣相真令人垂涎欲滴總以爲要去吃專門做甜品的餐廳才完美重要的要講多次，必點 #牛角窩夫 (約$68)焦糖香蕉牛角窩夫配雪糕是非常酥脆可口特別是焦糖的伴碟，感覺好有氣勢再配上甜蜜的焦糖，份外香甜！而雜莓牛角窩夫有鮮花、藍莓、草莓外表很色彩繽紛，好有大自然感覺🍓🍇接下來的cherry Blossom雪葩$58另外倒上梳打飲品，配上大粒的荔枝肉雪葩是非常甜酸又和諧的冰涼口感瞬間把我剛吃過熱食的口腔也降溫下來😇是很適合夏日消暑的甜品我邊吃邊偷看著廚房那是一位很清秀斯文的專業女西厨這裏的每道菜是非常精緻和講究的

又喺長沙灣俾我搵到一間有氣氛嘅西餐廳啦！呢度除咗環境浪漫之外，嘢食都非常之有質素👍最正係價錢唔貴，仲有每日special菜式半價就可以食到😍點咗以下幾款菜式👉🏻❇️燒紐西蘭羊髀扒配薯菜伴香草燒汁👉🏻紐西蘭嘅羊食起嚟肉質真係特別嫩滑，而且羊羶味來得比較溫和，淡香容易入口倍覺享受。旁邊的炸小薯也香口惹味。❇️XL德國火焰豬手👉🏻上菜時還可以欣賞火show😂豬手皮脆到不得了😍竟然可以吃到脆皮豬腩嗰種crunch嘅口感，神奇神奇！無論配搭黑醋芥末籽or油醋orWasabi芥末都一樣咁好味😋巨型豬手已經起晒肉，食起嚟好方便，啖啖肉加埋軟林林口感真係好滋味！❇️雜菜湯👉🏻酸酸甜甜嘅粒粒雜菜湯，可以見到好多好多雜菜粒，纖維高good for健康。❇️士多啤梨鮮奶👉🏻士多啤梨味唔算好出，飲落到香甜嘅。❇️朱古力鮮奶👉🏻黑白斷層外型夠晒靚🍫非常打卡able! 而且朱古力同埋鮮奶嘅配搭味道方面係好穩陣嘅。最尾仲嘆咗一杯靚靚檸檬梳打雪葩，味道酸甜清新，仲有陣陣玫瑰花香，so fresh！

見到有間餐廳喺社交媒體賣廣告，又走嚟試試佢。嚟到門口先醒起，呢間嘢以前嚟過一次，搵番紀錄，以前係叫 Fifty Fifty，好似都係開咗冇幾耐，乜咁快執？入到去似乎都係同以前一樣嘅裝修，係咪淨係改咗個舖頭名？其實係同一班人？傍晚6點鬆啲去到，冇乜客，揀咗個位坐低，點咗佢廣告中嘅所謂半價T-bone 。$124 冇湯冇茶，塊扒望落薄切切。不過擺盤係靚嘅，佢用green salad 伴碟，連埋 croutons ，配以 wine vinegar，沙律正式過主角。黃黃地色半月形嗰一pat原來係 mustard，拉埋花咁好心機。不過用木盤上唔係咁好，啲坑紋好污糟。切開塊扒，完全冇肌肉紋理，食落亦冇乜咬口，肉味更加唔好預佢有。成個餐花巧有餘，但實際只係花園餐廳級數。雖然麻麻地，但百零蚊就由佢啦，一分錢一分貨，係咁上下。係咪好抵其實就唔係，但話貴佢又唔係貴，所以都想俾多次機會佢，試埋星期二個特價西冷。於是今晚（28號）又去多次。6點半未夠就到，時間尚早，成場得三枱客，加埋唔夠十個人。我向其中一個女侍應示意想坐靠牆一張枱，佢竟然話唔得，叫我坐全場最差嘅位，佢話一陣間會爆場。唔好呃我啦，上星期食完成餐

【 高質文青隱世小店 】 🌿上次同老公黎左呢間長沙灣既隱世小店「Follow」，對佢哋既窩夫念念不忘，今次再帶仔仔同好姊妹黎食dinner。🪴「Follow」餐廳室內和室外都種有唔同既綠色植物，令人成日都想停下腳步慢慢欣賞。很喜歡餐廳既氣氛，店員好主動好細心。🥩Crazy 50% OFF！原來係星期一至四，餐廳做緊每日限定款，半價就食到！9oz 美國黑毛安格斯西冷扒，原價$280，而家$140就食到，好抵呀！🔸🔸🔸🔸🔸🔸🔸🔸🔸🔸💕安妮媽媽推介菜式 : 🔸XL德國火焰豬手豬手份量十足，調味適中，店員仲會即場用火燒一燒，燒過的外皮又香又脆，肉質好鮮嫩，配菜係翠玉瓜，多汁爽口。🔸肉醬意大利麵濃濃既蕃茄汁，酸酸甜甜咁好開胃，加上肉醬既香味，哥哥鍾意到差唔多成碟意粉食哂。🔸炸薯條配松露醬薯條好大碟，炸得好香脆，加上令人難以抗拒既松露醬，會食到停唔到口。🔸凱撒沙律沙律菜新鮮爽脆，表面有好多麵包粒，配上凱撒沙律醬令人好開胃。🔸曲奇香蕉牛角窩夫窩夫外脆內軟，香蕉表面有少少焦糖，配埋雪糕一齊食，冷熱的口感真係特別！🌈哥哥話今晚食得好開心呀，全部食物佢都好鍾意食，仲叫我日日帶佢黎添😂地址: 長沙灣東沙島

屋企附近有間餐廳，門外見到不少植物微昏的燈光下進餐，覺得很浪漫XL德國火焰豬手一上碟已經好震撼，XL真係唔簡單，重量級的豬手，加上店員即場點燃，淋上豬手，忍不住要打卡，豬皮非常脆口，亦處理得好乾淨。豬手已經切好，讓我食得方便，肉質帶點咸香，半肥瘦，好juicy 燒美國牛板腱配薯菜伴燒汁擺碟很有藝術感，牛板腱肉質中間含有肉筋，帶有牛肉的鮮嫩口感，同時還可嘗到不錯的彈性，並且脂肪含量極低，所以無罪惡感。仲有薯菜擺得很精緻，仲有一條蝦春卷，甚有口感。套餐有餐湯，餐飲，今次飲蔬菜湯，菜很多，切丁粒，很有蕃茄味。Cinderella比起橙汁更出色的mocktail ,酸酸甜甜，加入檸檬汁帶出果香，喜歡飲品的設計帶點熱情風格。Blue ocean一道食得又飲得既甜品，檸檬雪芭酸酸甜甜，淋上梳打水，產生泡沫，灑上玫瑰花，有如花般的海浪一樣的美態。

今日同同事去食lunch，諗住已慰勞自己作藉口食好少少🤣😋就去咗呢間環境唔錯坐得舒服嘅西餐廳👍🏻午餐包左餐湯主菜餐飲不過唔記得咗影相😂😂😂1️⃣啤酒燒西冷牛扒配薯條本身以為係街坊餐廳牛扒質素都冇咩大期望，點知一舊水唔使，叫七成真係有七成，牛味濃郁，重點係真係有啤酒味🍻 薯條新鮮炸起都唔需要多講就已經清晒碟🍟呢間餐廳有回頭🤣一舊水都唔使食到咁嘅質素真係已經超級開心，所以一個星期五日有四日都喺度食🤣

環境係 #勁浪漫超溫馨 vibe！❤️餐廳充滿情調，店外門面放滿植物，日間到訪會感覺似文青風，令人放鬆心情，店內佈滿好多小燈泡串，一到晚上就亮燈，環境即刻浪漫起嚟 🥰主要想講嘅係：食物材料新鮮＋質素高！🔥價錢亦都合理 😀再者食物擺盤亦十分美 😮👍感覺餐廳係想將食物同藝術一同帶出嚟，俾客人視覺＋味覺享受 😄💕🍟 脆炸薯波配黑松露醬 $78新鮮薯仔 🥔 炸得唔油，薯波外脆內綿，薯波大小造到一口一粒 👍調味令薯仔原味更突出 😀🥩 燒美國安格斯封門柳配薯菜 $238本身想叫五成熟，但隊友嘅腸胃比較敏感，所以最後叫七成熟 🙂呢碟一定係我嘅推介！🔥首先第一眼見到個擺盤真係wow咗一下，冇諗過廚師會將食物擺到似畫咁 👀第二係呢道菜佢有肉又薯波又有瓜又有春卷，好豐富！封門柳份量都大，就算煎到七成熟都係好嫰腍！😍🧇 焦糖脆脆香蕉牛角窩夫配雪糕 $78新鮮熱辣送到檯前，窩夫擺盤都靚，用咗焦糖醬畫花紋 😀👍🤎牛角窩夫夠厚身酥脆，不是空心 😋雪糕奶味濃厚，唔係淡茂茂果種嚟 😙烤焦糖香蕉，焦糖烤到脆身，香蕉新鮮，好香啊 😍🤤🍸青檸薄荷梳打 Lime & Soda $48梳打足夠，味道清新🍋🍹Blue Ocean

離開深水埗，我哋食嘢都係有高要求，但係聽朋友講呢度係一個唔錯嘅地方，所以就嚟咗啦熄物理房，薯條真係幾好食，同埋佢啲花茶好正，杯咖啡一流！你睇我啲相你就知㗎啦，你可以教我咁樣食，人均消費都係六$70 ，我覺得喺深水埗依個人煙稠密嘅地方，有一個城市綠洲係唔錯嘅喂但係如果大家好肚餓嘅話，佢嘅薯條雖然好食，但係份量真係有啲少簡單來講，呢度坐來講係好舒服，下午茶食少少嘢都OK，但係如果如果你想食正餐，我唔知你可唔可以叫佢俾多啲你，男孩子我驚你唔夠飽

網上預約時提及生日聚會，他們已有預備，寫上生日快樂的字眼，服務非常細心貼心，令生日朋友開心不已。也主動給我們拍照。環境優雅清靜，食物質素高，意大利飯和意粉，份量十足，完全不覺油膩。下午茶的份量及presentation很有驚喜，加$18可享用$48的花茶很超值。以他的質素及服務，很不錯的餐廳，會經常來光顧👏

環境氣氛都唔錯，食物類型很多，擺盤同味道都有花心思的，特別係烤豬鞍，雖然比較厚，但肉質嫩滑有汁，不會死實實。另外焙茶鮮奶同埋甜品麻糬牛角包窩夫都高質。店員都十分殷勤有善。但晚市比較full, 最好book定位。

長沙灣站A2出口行幾分鐘就到左間門口好多花花草草嘅Cafe ☕️俾佢吸引咗入去入邊好有情調打卡好靚老闆好Nice😼每個菜都好精緻，feel到佢哋嘅用心🫶食咗沙律，餐湯，主菜，甜品加埋飲品真係好滿足安格斯封門柳配薯菜💚💚💚💚💚牛好食 😋 入邊鎖住咗啲肉汁肉質鮮嫩 賣相好靚仲有春卷同薯餅擺得好得意南瓜湯 🥣💚💚💚💚💚南瓜味濃 好夠熱黑醋沙律🥗💚💚💚💚💚做前菜好清新 開胃窩夫🧇💚💚💚💚 💚💚Cp值高真係好正佢上邊有啲好似Tiramisu嘅粉中間係一層cream下邊就係暖笠笠嘅窩夫好鬆軟藍天白雲乳酪沙冰 💚💚💚💚個名真係同杯嘢好夾飲落酸酸甜甜唔太膩Sunset 🌅 💚💚💚💚 💚好似水果茶嘅梳打版勁大杯lol 有啲橙、士多啤梨、柚肉喺入邊so refreshing!