Video
Read full review
2020-12-03
2033 views
終於有機會試下呢間好出名嘅泰國餐廳由於地點都比較入，所以揸車入嚟係方便啲 一到步，泊好車之後侍應就帶我哋入去 安排咗我哋坐中間可以燒烤嘅位置呢度真係好有情調而且燈光充足十分之光猛，喺夜晚襯託之下啲燈真係好靚可能因為係 星期五嘅關係，所以晚飯時間八點左右，人數都唔算太多 我哋見到只係坐滿咗 十台客左右侍應超級有禮貌好好服務係咁問我哋有冇啲咩需要， 亦都好熱心咁serve我哋，又推介一啲 菜式但環境真係靚嘅，非常之舒服嘅感覺亦都好寬敞，呢啲天氣嚟食飯就啱啱好唔會太熱又唔會太凍，吹著涼涼嘅風侍應哥哥仲好細心體貼咁～～～驚我哋張枱太暗唔夠燈光，所以畀咗盞燈放喺張枱度，講咗句「食飯點可以咁暗㗎，梗係要有盞燈啦！」哈哈哈好幽默呀～我哋兩個人嗌咗好多餸，一共有6樣哈哈 都唔知食唔食得曬，不過都盡量食啦因為每樣餸都好想試！！！我咁大個女都未食過蠔餅，所以唔知係咩味 但呢個蠔餅真係令我好印象深刻 十分非常超級好味！！！因為啱啱整出嚟，所以真係好熱辣辣我哋即刻試食，真係不得了好juicy好多蠔，又多肉汁，撈埋一齊食口感好煙韌，而且真係好香口用佢嚟撈飯一流 呢度餸係必點嘅強烈建議大家真係要試下囉！呢個炸蝦餅
由於地點都比較入，所以揸車入嚟係方便啲
一到步，泊好車之後侍應就帶我哋入去
安排咗我哋坐中間可以燒烤嘅位置
呢度真係好有情調而且燈光充足
十分之光猛，喺夜晚襯託之下啲燈真係好靚
可能因為係 星期五嘅關係，所以晚飯
時間八點左右，人數都唔算太多
我哋見到只係坐滿咗 十台客左右
侍應超級有禮貌好好服務
係咁問我哋有冇啲咩需要， 亦都好熱心
咁serve我哋，又推介一啲 菜式
但環境真係靚嘅，非常之舒服嘅感覺
亦都好寬敞，呢啲天氣嚟食飯就啱啱好
唔會太熱又唔會太凍，吹著涼涼嘅風
侍應哥哥仲好細心體貼咁～～～
驚我哋張枱太暗唔夠燈光，所以畀咗盞燈
放喺張枱度，講咗句「食飯點可以咁暗㗎，
梗係要有盞燈啦！」哈哈哈好幽默呀～
我哋兩個人嗌咗好多餸，一共有6樣
哈哈 都唔知食唔食得曬，不過都盡量食啦
因為每樣餸都好想試！！！
我咁大個女都未食過蠔餅，所以唔知係咩味
但呢個蠔餅真係令我好印象深刻
十分非常超級好味！！！
因為啱啱整出嚟，所以真係好熱辣辣
我哋即刻試食，真係不得了
好juicy好多蠔，又多肉汁，撈埋一齊食
口感好煙韌，而且真係好香口
用佢嚟撈飯一流 呢度餸係必點嘅
強烈建議大家真係要試下囉！
呢個炸蝦餅亦都好好食，啱啱炸出黎
所以好香口脆卜卜，好爽口嘅蝦肉俾脆卜卜
嘅皮包圍住，食落去真係雙重口感
脆卜卜到呢～食到我聽到d聲嗦嗦聲
啖啖蝦肉，真係冇偷工減料㗎
點埋啲醬汁嚟食真係perfect啦！
另一必點菜式！
呢個牛油果軟殼蟹米卷紙，幾特別咁
我第一次食牛油果＆米卷紙呢個配搭
好有新鮮感，佢似甜品多過係前菜，哈哈
米卷紙包住一舊軟殼蟹＆一個芒果＆牛油果
十分之開胃，因為酸酸甜甜嘅味道好刺激味蕾
軟殼蟹係熱嘅，炸到好酥香好脆
但係啲芒果＆牛油果係生果黎，
仲有包住d生菜，所以呢d係凍嘅～
一冷一熱，口感交替，十分之難忘
食完依度餸之後，覺得有啲中和返口腔嘅感覺
因為真係 好清新好fresh嘅感覺
呢個串燒就普普通通啦，中規中距
不過份量都幾多下，而且好鬼大串
一人食兩三串都夠飽～唔點醬汁食都ok
不過會有d寡，好dry咁，因為d肉汁唔夠！
點埋醬汁之後食就好味好多，夠惹味
有豬，牛，雞肉，我自己就鍾意牛肉啦
茄子我就食得多，但係烤茄子真係第一次食
呢個烤茄子我反而覺得一般般，麻麻地咁
樣子望落去雖然係唔錯咁，
但係食落去真係好凍冰冰，唔知做乜會咁
而且唔知點解中間有部分茄子肉係苦㗎
超苦，食唔落....
所以我吐咗好苦嘅嗰部分出嚟
而且茄子嘅味道比較淡，I guess燒茄子嘅
味道應該會比較濃啲啩？！
唔知點解佢啲味真係好唔夠囉…
呢度餸係唯一一樣令我有啲失望嘅
呢個印度烤雞，反而就幾有驚喜
因為望落去佢個樣，覺得有少少燶燶地咁
不過每一件雞球都勁大粒，好夠飽
而且就我個人而言，佢嘅顏色令我
覺得有啲唔係咁討好咁
第一眼望見，心諗～咩事紅到咁嘅樣子...
但係食落反而好有驚喜喎！
佢啲味道係酸酸地咁，有一種好似青檸汁
咁嘅味道，酸得嚟又幾討好
而且因為燒得有d燶燶地，所以咬落去
帶著一種燒燶咗嘅香口味，都幾特別呀～
同埋佢啲味係有少少辣辣地，我呢啲
唔食得辣嘅人反而要飲住水先食得晒
最後就係呢度 洋蔥烤餅啦！
性價比十分之高50蚊唔使嘅價錢
就有咁高質嘅烤餅，亦係必點嘅餸之一
建議大家都試下
佢啲餅食落去唔會好韌又唔會話咬唔開
餅底又唔會話燶咗，口感煙煙韌韌咁好彈牙
有好香嘅洋蔥味，如圖所示佢冇偷工減料到
成個烤餅滿滿都係洋蔥
我覺得依個烤餅好食過好多pizza店嘅pizza囉！
佢望落平平無奇咁 但係味道真係唔錯
下次有機會等我試下芝士烤餅先
呢一餐食得好滿足好飽呀，
兩個人嗌咗六樣野，雖然最後食唔曬
要打包但係都好滿足，食到捧住個肚走
而且侍應嘅服務真係好好，
又細心又體貼，照顧到我哋嘅所需
最後仲問我哋覺得點，有咩可以改進嘅
地方、菜式＆味道如何
呢種做生意嘅心態真係好值得一讚！
Post
