La Postre (Closed)

今日去左銅鑼灣食好西，呢間係朋友帶我去嘅，環境好浪漫，而且氣氛都幾好。我地兩人食左芝士煎蟹餅，西班牙牛仔蠔肉燉飯2人，綠茶麻糬窩夫。傾下計，吾洗好耐，蟹餅同燉飯都上碟了，燉飯真係兩人份量，因為好大碟，味道較甜，飯都軟身，熱辣辣嘅，味道好好，而牛肉同蠔都好多份量，蠔係大大隻嘅，有蠔味，牛就好淋身入味好食。蟹餅比我想像中不同，原本以為係蟹加了芝士嘅薯餅，佢完全不是的，佢用了蟹鉗，又用了蟹蓋，加了蛋同芝士，係鐵板度上碟，又加了木魚，好味道。其實食左呢兩樣都已到好飽，我地仲點了個窩夫，不過窩夫好好食丫，所以就算我地好飽都食得落，我喜歡佢好脆嘅外表，而且又吾太甜，入面加了麻糬，食落更有咬口，配上雪糕，好正。呢間餐廳都好吾錯，環境靚，打卡一流，服務都好好，常主動嚟加水，而且食物好味得嚟又吾貴，下次都帶朋友嚟食先。