Video
Read full review
2018-07-21
196 views
約左朋友今晚出旺角聚會，揀左呢間DOUX晚餐,因為之前黎過食甜品，覺得環境，食物同服務都唔錯，所以決定黎試下晚餐。整間餐廳好有格調，四周擺放左d花樽，氣氛浪漫，用黎影相打卡都唔錯。Order左個三文魚沙律做前菜，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。青口香檳忌廉汁意粉嘅味道卻非常唔錯， 嬌小可愛嘅藍青口夠鮮甜，而香檳忌廉汁濃郁香口，意粉食落煙韌有口感，每條意粉都沾到醬汁。小食拼盤，有炸雞塊，芝士條，芝士薯條同炸蝦，見到已好經嘩一聲，大家都同小朋友一樣，鍾意食煎炸野呢個係Deluxe House burger，burger嘅麵包鬆軟，外層烤到脆脆地，帶有陣陣嘅牛油香。而和牛漢堡入口充滿肉汁，一咬落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士，口感豐富起黎之餘，味道嘅層次亦有所提升，美味無窮。此外佢有個秘製嘅醬汁，甜甜地，有洋蔥味，好好食。仲有炸薯條，係幼身薯條，感覺冇咁漏。呢個薯條食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度。呢度係4杯野飲，包括Coconut lavender lemona
整間餐廳好有格調，四周擺放左d花樽，氣氛浪漫，用黎影相打卡都唔錯。
Order左個三文魚沙律做前菜，煙三文魚又香又嫩，唔會太鹹。個沙律菜好新鮮，加了黑醋汁 ，入口十分清新。
三文魚沙律
29 views
0 likes
0 comments
青口香檳忌廉汁意粉嘅味道卻非常唔錯， 嬌小可愛嘅藍青口夠鮮甜，而香檳忌廉汁濃郁香口，意粉食落煙韌有口感，每條意粉都沾到醬汁。
青口香檳忌廉汁意粉
25 views
0 likes
0 comments
小食拼盤，有炸雞塊，芝士條，芝士薯條同炸蝦，見到已好經嘩一聲，大家都同小朋友一樣，鍾意食煎炸野
小食拼盤
21 views
0 likes
0 comments
呢個係Deluxe House burger，burger嘅麵包鬆軟，外層烤到脆脆地，帶有陣陣嘅牛油香。而和牛漢堡入口充滿肉汁，一咬落去啲肉汁就慢慢咇出黎。配埋新鮮嘅番茄生菜，非常之夾。仲有嗰塊大芝士，口感豐富起黎之餘，味道嘅層次亦有所提升，美味無窮。此外佢有個秘製嘅醬汁，甜甜地，有洋蔥味，好好食。仲有炸薯條，係幼身薯條，感覺冇咁漏。呢個薯條食落唔會話太鹹，亦唔需要點茄汁，都覺得好好食。而且炸到脆卜卜，但又保存到薯條內裏嘅軟度。
Deluxe House burger
25 views
0 likes
0 comments
呢度係4杯野飲，包括Coconut lavender lemonade，
Molecular starry drink，
Orange mango iced tea同
Umeboshi watermelon soda，豬飲嘅lemonade,真係有薰衣草味，甜甜酸酸幾開胃。
Coconut lavender lemonade
Molecular starry drink
Orange mango iced tea
Umeboshi watermelon soda
24 views
0 likes
0 comments
呢到嘅甜品真係好精緻，我地成晚偷睇隔離叫左咩，真係有衝動想影相，哈哈。最後我地叫左個甜品Matches，呢個火柴盒，賣相可愛，火柴盒包住左個檸檬味蛋糕，蛋糕中間嗰層夾住咖啡味嘅mouses，火柴盒下面有d朱古力餅碎。隔離有2枝火柴，係杏仁味嘅曲奇餅，味道剛好，唔會太甜。
Matches
26 views
0 likes
0 comments
Post
