夢見屋 (Closed)

之前見過facebook有人去左chocolate rain x 夢見屋食甜品，睇落好似幾得意，所以今日特登去左上環試下。未入門口，真係一d都睇唔出有chocolate rain的影子，因為門口一點裝飾都無。入到去都見到chocolate rain的牆紙、掛畫同公仔，都算有popup store的感覺。我同朋友都叫左個凍忌廉抺茶，各自再叫左個士多啤梨紅豆銅鑼燒同抺茶白玉。杯墊都係chocolate rain~靚~凍忌廉抺茶賣相都不錯，但杯野真係好q難飲，抺茶好苦，甜味主要靠pat忌廉，攪混左都係唔好味。我飲左三分一真係頂唔順~放棄!再來是抺茶白玉，同樣問題，呢個仲要抺茶超苦，加左落雪糕度一齊食，都係麻麻~最好食都係d白玉~呢個我食左少少，又係放棄~~最後，我食埋個士多啤梨紅豆銅鑼燒，士多啤梨都算ok~只係再加左士多啤梨醬同cream，真係好甜好膩~但個紅豆銅鑼燒真係一絕!!又乾又硬!!救命!! 我未食過咁難食的銅鑼燒.....我明白原來士多啤梨醬同cream係用黎加濕個銅鑼燒，如果唔係，都幾難入口~我呢個食左一啖就無食~~真心，抺茶甜品都係sweet house cha cha好食好多