Casa Luca (Closed)

之前見到有comment話店員唔識沖咖啡覺得好好笑，點知我遇到嘅係繁忙時間沖唔到有熱奶類嘅咖啡，我作為一名barista真係覺得又嬲又好笑。既然你哋會嘥時間去磨豆，嘥時間去填平咖啡粉，嘥時間去將手柄扣上咖啡機去沖煮咖啡，點解唔可以多少少時間去打奶泡。。。你哋慳咗嘅呢少少時間，我唔知點解啲食物仲要等成7個字先有，係多客架啦，我去過好多更多客嘅地方都唔洗等咁耐。我叫咗杯凍latte，正常嚟講杯咖啡係唔會幫客人落糖水，除非客人要求，店員亦冇問我要唔要糖水，咁當我衰，冇講唔要糖水。。。食物方面：叫咗個黑松露意粉，和牛漢堡set，漢堡都叫做好食，薯條亦都唔錯，意粉聞落好香黑松露味，食落cream味較重，冇咩黑松露味道，而且越食越鹹，食到一半真係食唔到落去，我都唔想浪費食物，但真係食唔到。