WM Café & Bar (海之戀商場)

Open Now

Now Closed

喺海之戀行完街，同fd想揾間坐下食下野傾下計咁，行到三樓見到呢間wm bar環境幾好價錢又唔貴wor，就試呢間。室內full左，原來仲有露台坐，啲位闊落好多，夜晚啲自然風又涼，坐係度傾計都幾愜意~ 如果想同fd飲下酒吹下水慢慢歎，呢度都係不錯嘅選擇。啖啖肉薄餅➕35蚊是日餐湯是日龍蝦湯好有龍蝦味，好飲嘅~個餐前包有啲驚喜，我必須讚下，個包有陣酒味，又軟身，口感不錯。炸蠔就正正常常，啲蠔係新鮮黎。我又要讚下個薄餅，推介大家試下，唔好見佢個樣普普通通，但係好好味，無得輸。勁多邪惡芝士，仲拉到絲添。肉丸好有豬肉味~中間成扎肉絲，好足料。安格斯牛肉漢堡$140漢堡包就正正常常，足料係真嘅~雙層安格斯牛肉餅食得勁飽肚。麵包口感好~粗身薯條同埋洋蔥圈炸得啱啱好，好味~ 兩條友300蚊都唔洗，抵食。下次來親海之戀會再黎食，想試意大利同埋意粉，仲有藍莓芝士蛋糕🍰堂食$28咋。