CHIMAC (天星碼頭)

Open Now

Now Closed

最近去咗中環碼頭海傍嘅Chimac。呢間餐廳主打韓式炸雞同埋小食，氣氛休閒又有少少韓國街頭小店嘅感覺。我哋叫咗甜辣炸雞6件，韓式炒年糕，魚糕串同炸薯條。甜辣炸雞真係幾正，雞件炸得金黃香脆，雞肉唔會過乾，仲保持到嫩滑，滿佈甜辣醬汁，酸甜微辣啱啱好，唔會太膩，。韓式炒年糕口感煙韌，雖然無魚糕係入面不過都好滿足，有十幾條。至於魚糕係新鮮彈牙，係幾好嘅小食選擇。炸薯條炸得香脆，合格有餘。整體嚟講，Chimac嘅炸雞係亮點，值得一試如果鍾意韓國炸雞嘅朋友，呢度係唔錯嘅選擇，人均約$100都唔洗，食完自己收返個盤都幾自助。