聚寶海南雞

Open Now

Now Closed

而家晚餐食個碟頭飯都差不多＄60，幾個同事放咗工話不如一齊食個快飯，見到三人餐四人餐都幾多選擇，即刻坐低仲有位半隻海南雞，我最鍾意食佢啲花生，蘿蔔都幾特別。雞皮夠晒肥，雞肉都叫嫩滑，不過就冇乜雞味。上菜速度好快，茄子斑腩煲，送到黎嘅時候都仲熱辣辣，斑腩同茄子份量都偏少，女仔食就夠嘅，男士就可能唔夠。同埋斑腩好少肉，炸粉比較厚金銀蛋浸白菜仔，喊到飛起，做湯飯就差唔多。同埋好欣賞佢呢個鴛鴦啫啫芥蘭，有蝦球有魷魚仲要鐵板上，夠晒誠意。