天天海南雞飯 (新城市廣場三期)

Open Now

Now Closed

沙田新城市廣場三期真係好多嘢食，而今次我同老公好想食海南雞飯，所以就揀咗呢間長期排隊嘅天天海南雞，之前已經聽過朋友介紹幾好食，今次特登過嚟試一試。黎到呢度梗係食個招牌海南雞飯啦，仲要一定係轉油飯，白飯梗係冇咗呢個嘅精髓，所以識食一定要食油飯，就算幾肥都一定要食！呢度真係坐得幾舒服，有多卡位，又唔會好逼夾，舒舒服服坐低食野！特別一讚嘅係佢哋嘅茶好好飲，好香，出邊好少何有得飲呢個茶味，所以都忍唔住嘅職員添咗一壺熱水俾我！跟住仲叫咗個椰菜煲，都幾特別幾好食，仲要大大煲，食咗海南雞有少少油膩嘅感覺，食返個菜即刻平衡返。仲有呢度職員嘅服務態度都幾好，會介紹菜式俾我哋選擇，等我哋呢啲選擇困難症嘅人可以快啲揀到嘢食甜品。