沙嗲軒 (中港城) (Closed)

我真係好鍾意食海南雞飯，食極都唔厭，每次食到好味嘅海南雞飯都要記低佢，下次再返黎食。呢間沙爹軒喺皇家太平洋酒店入面，酒店的老闆係新加坡人，對呢間東南亞餐廳一定會要求好高，果然無令我失望。碟雞睇個樣都知滑，唔會太肥，肥瘦剛剛好，起曬骨，啖啖肉，最正係啲雞皮，滑溜得黎帶點爽脆，就算膽固醇超曬標都要食。個雞油飯香得黎又唔會太油，食兩大碗都得，個辣椒醬亦十分對辦，服務員非常有禮，服務貼心，環境舒適，坐位寛敞，非常滿意。