秋香 (黃金海岸商場) (Closed)

平時去黃金海岸沙灘就多，食嘢好似真係第一次，喺岸邊梗係揀番間舒服chill啲嘅餐廳試吓裝修好特別，仲有個打卡位如果鍾意飲酒，呢度有好多唔同嘅特色酒同埋飲品，可以一試Lunch set好抵食，仲有唔同前菜味噌湯味道濃厚，鹹度適中，入邊加咗海帶，令到層次更加豐富枝豆超抵食好大碟，放入口外殼有一浸淡淡嘅鹹味，豆軟硬度啱啱好，有啲咬口又唔會話太軟，食得多都唔會濟蒲燒鰻魚煲仔飯超驚喜，一大個煲上，鰻魚有兩大條，裹滿咗燒汁，滑蛋炒得好滑身，唔會話太熟煲底真係有一層飯焦，咬落好香口，好有飯香味壽喜燒生牛肉千葛絲配烏冬牛肉鋪滿面，而且肥瘦比例啱啱好，牛味十足。壽喜燒偏甜口味，就算唔配烏冬，有原本嘅千葛絲已經好足料，千葛絲係比較粗身少少，食落彈牙又索滿晒湯汁日式吉列廣島蠔每隻都大大隻，而且佢炸粉都唔係話好重，加埋沙律醬，一咬係有少少蠔汁流咗出嚟，食到到鮮甜味，又有沙律醬嘅酸甜可口黎明來到杯嘢飲好睇又好飲，橙汁加咗少少菠蘿汁，撈埋一齊感覺好清新