戀上台式料理

Open Now

Now Closed

海旁大部份都係西式餐廳，今日經過見倒依間台式料理決定去試吓。- -餐廳除咗有Set、小菜，仲有烤魚套餐同燒肉，今次我點左燒肉，烤爐使用固態燃料，感覺完全冇油煙。-日本A1和牛 $168和牛有兩大片，用咗鹽同少量黑椒醃肉，食落微咸又唔會蓋過肉香，肉質口感嫩，燒耐咗都唔會韌身。-汁燒魷魚頭串(4串) $78滿滿一串嘅燒魷魚，味道香口，鐘意海鮮嘅朋友必試，烤肉嘅時候記得落多啲燒汁，甜甜地先夠惹味。- -鹽酥大大雞扒刀削麵 $88脆炸雞扒大件到要搭起兩層，點上類似千島醬嘅醬汁，雞肉嫩滑，外皮酥脆。刀削麵好大碗，湯底入味。餐點仲附有花生、木耳、甜蘿蔔等前菜。- -燒雞泡魚乾 $68魚乾香甜味鮮，口感偏硬，好適合作為飯前/飯後小食。- -戀上生煎包 $38生煎包粒粒都好飽滿，咬落去好多肉汁，味道帶有薑味，肉餡足料。- -Pinku Pinku $45玫瑰荔枝鮮奶冰超好飲，面頭有忌廉同奶蓋嘅香滑，沙冰有玫瑰荔枝嘅清香，夏天飲既清涼又解渴。