Video
Read full review
2021-02-10
18 views
堅尼地城好多好CHILL既餐廳, 特別係海傍一帶, 總係瀰漫住一種悠閒慢活既氣氛。黨99係一間串燒 + Sake + Cocktail Bar, 裝潢以黑白為主, 感覺型格低調, 門口設有酒櫃, 今日中午揀左近門口位置, 對住街景同陽光食個串燒。餐廳除左串燒外仲有LUNCH SET, 好酒既朋友更加要留意, ALL DAY HAPPY HOUR MENU內既酒類全部都係買一送一, 好抵飲!免治雞肉棒 $48居酒屋名物亦係自己必點之選, 燒至表面焦香既雞肉棒, 咬落唔會淋BADBAD之餘仲帶粒粒軟骨, 口感好好。食既時候一定要沾滿蛋汁醬油, 入口變得滑溜, 味道香甜, 勁好食!白膳 $48燒到皮位脆卜卜, 魚肉彈牙又JUICY, 燒過既膳加上鹽粒調味, 魚香豐富, 香口到不得了, 超正~~一口和牛 $52和牛粒有咬口但唔會韌, JUICY有肉香, 簡單以鹽同黑椒吊吊味已經好好味。牛舌 $48厚薄適中, 中意佢好有油香, 口感彈牙脆口!廣島蠔 $48見到個樣都流口水, 蠔身飽滿而且燒到表面帶金黃, 賣相吸引一啖啪入口, 蠔汁係口入面爆出, 鮮味又嫩口, 燒得岩岩好!秋葵 $26清淡既秋葵勝
餐廳除左串燒外仲有LUNCH SET, 好酒既朋友更加要留意, ALL DAY HAPPY HOUR MENU內既酒類全部都係買一送一, 好抵飲!
免治雞肉棒 $48
居酒屋名物亦係自己必點之選, 燒至表面焦香既雞肉棒, 咬落唔會淋BADBAD之餘仲帶粒粒軟骨, 口感好好。食既時候一定要沾滿蛋汁醬油, 入口變得滑溜, 味道香甜, 勁好食!
白膳 $48
燒到皮位脆卜卜, 魚肉彈牙又JUICY, 燒過既膳加上鹽粒調味, 魚香豐富, 香口到不得了, 超正~~
一口和牛 $52
和牛粒有咬口但唔會韌, JUICY有肉香, 簡單以鹽同黑椒吊吊味已經好好味。
牛舌 $48
厚薄適中, 中意佢好有油香, 口感彈牙脆口!
廣島蠔 $48
見到個樣都流口水, 蠔身飽滿而且燒到表面帶金黃, 賣相吸引一啖啪入口, 蠔汁係口入面爆出, 鮮味又嫩口, 燒得岩岩好!
秋葵 $26
清淡既秋葵勝在口感爽爽的。
日本青椒 $22
平時唔食青椒, 但唔知點解依隻日本青椒仔就覺得好香~~
安格斯牛扒 $138
牛扒7成熟帶粉嫩, 肉質軟腍, 肉味重加上香甜照燒汁, 好味。
KELLY GREEN $68
中意飲D清新系列既野, 所以揀左依個有青瓜, 奇異果MIX成既MOCKTAIL, 賣相討好之餘味道真係好FRESH, 青瓜帶出既清爽加上奇異果既酸甜, 非常之夾。
PURPLE RAIN $68
EARL GREY底滲出陣陣茶香, 加上黑莓同桃汁既香甜果味, 亦都係解膩之選。
Post
