Pizza Maru (海運大廈)

Open Now

Now Closed

呢間𝗣𝗶𝘇𝘇𝗮店最近係尖沙咀開左分店位於海港城 位置更方便而且比其他分店更有空間感 窗邊位置仲可飽覽到維港海景每次都必點芝加哥系列嘅𝗣𝗶𝘇𝘇𝗮 超正❤️🔸泡菜海灣芝加哥 $𝟐𝟐𝟑呢款𝗣𝗶𝘇𝘇𝗮嘅批邊係用咗蜜糖杏仁邊，口感非常香脆。𝗣𝗶𝘇𝘇𝗮用料好豐富，有鮮蝦、蟹肉棒、菠蘿、粟米、燈籠椒、火腿、蜜糖、杏仁片、蘑菇、洋蔥同埋多款芝士，再加埋牧場醬同埋泡菜蛋黃醬一齊焗真係絕配，好味到停唔到口，有爆多邪惡嘅芝士，拎起拉絲絕對無問題。🔸蜂蜜蒜泥炸雞 $𝟏𝟐𝟑/𝟔件呢到嘅韓式炸雞好正宗，每件雞都即叫即炸，上菜時仲熱辣辣。雞件外皮炸到金黃香脆，裡面嘅肉質嫩滑多汁，一啖咬落去口感外脆內軟。蜂蜜蒜泥味亦都好香，每件雞都好入味，食落勁惹味。🔸𝑳𝒚𝒄𝒉𝒆𝒆 𝑪𝒐𝒐𝒍𝒆𝒓 𝑨𝒅𝒆 $𝟒𝟖呢杯飲品荔枝味香濃，甜度啱啱好，飲落好涼快。🔸 𝑷𝒊𝒏𝒆𝒂𝒑𝒑𝒍𝒆 𝑨𝒅𝒆 $𝟒𝟖菠蘿同檸檬氣泡水真係好夾，感覺非常清新，邊食炸雞邊飲好正。