亮明居 (Closed)

星期五同個朋友食lunch，佢請左我去IFC II入面個間亮明居，起初以為食四川菜，點知當日既set lunch全都係fusion菜黎~ 不過無所謂啦，照試，於是我就叫左個芒果北寄貝牛油果沙律、人蔘響螺雞湯、牛扒 (唔記得左個好複雜既名)、威士忌朱古力慕絲拿破崙。係等候食物既期間，發現原來呢度有落地玻璃海景view呢！整個感覺好舒服，就算係lunch，都唔會好多人、好逼或者好嘈~ 餐廳中間係bar位，應該夜晚可以黎飲野的~先黎個沙律，賣相相當唔錯，先試沙律，我本身唔太鍾意有白色沙律醬既沙律，但係呢個入口又唔錯喎~ 芒果肉唔酸，配有爽口既蘋果同埋香滑既牛油果，口感同味覺唔錯，北寄貝係沙律面，有少少沙律既鮮果味，好fresh，同平時係日本餐廳食個感覺好唔同~ 跟住黎個湯，估唔到個湯入面真係有好多湯料呢！湯略嫌味精味重左少少，如果唔係就幾好~主菜係牛扒，仲唔到原來佢將件牛扒中間切開，加入唔同既菌係入面，再加埋個紅酒煮連菌既汁，本身好鍾意食菌類既我，簡直愛上呢道菜！最後係個甜品，朱古力慕絲入面既威士忌味勁重！不過好香口，因為我鍾意有酒味既甜品！ 個拿破崙同我想像既脆皮有出入，因為呢度原來係酥皮