Video
Read full review
2021-09-28
473 views
因為有海港城coupon先發現原來有間食壽喜燒。不過實在太多人訂位，已經訂到要2個月後，連lunch 都好 full。一入門口會經過一條長走廊，佈滿竹葉，岩晒打卡。💭日山·松店員會好細心介紹每一款食物，首先係前菜，建議由淡味的先食起，即係由果凍開始。蕃茄果凍一咬落去，鮮味同香味爆出黎，估唔到第一道菜就已經咁開胃。炸和牛薯波都好驚喜，脆卜卜，牛味濃。A5和牛韃靼生牛肉顏色好新鮮，配埋芋頭脆片同蘋果脆片一齊食，咸咸地之餘仲增加左口感。冇諗過食韃靼可以咁樣配搭。刺身雖然份量唔多，不過隻蝦真係好鮮甜，海膽就一般。燒和牛有魚子做topping。貝類爽口彈牙，配埋柚子啫喱粒粒，一咬落去好清新的柚子味爆出黎，超夾，非常就適合食壽喜燒之前清新一下。A5和牛壽喜燒和牛有2片，店員會係燒之前俾客人睇下塊肉的雪花紋，俾客人影下相。美中不足唔可以好似日本咁每枱自己一個爐讓店員可以直接係客人面前烹調。壽喜燒當然要配日本蛋啦，每一片和牛都大過手掌，食一片已經好有滿足感。可以自選配飯或者烏冬，冷稻庭烏冬夠晒凍，冷麵汁亦好香濃。和牛無論配飯定烏冬其實都係咁襯！💭日山·晚巿套餐前菜比「松」少，不過好食的都有齊。A5和牛
一入門口會經過一條長走廊，佈滿竹葉，岩晒打卡。
💭日山·松
店員會好細心介紹每一款食物，首先係前菜，建議由淡味的先食起，即係由果凍開始。
蕃茄果凍
一咬落去，鮮味同香味爆出黎，估唔到第一道菜就已經咁開胃。
炸和牛薯波都好驚喜，脆卜卜，牛味濃。
A5和牛韃靼
生牛肉顏色好新鮮，配埋芋頭脆片同蘋果脆片一齊食，咸咸地之餘仲增加左口感。冇諗過食韃靼可以咁樣配搭。
刺身
雖然份量唔多，不過隻蝦真係好鮮甜，海膽就一般。
燒和牛
有魚子做topping。
貝類爽口彈牙，配埋柚子啫喱粒粒，一咬落去好清新的柚子味爆出黎，超夾，非常就適合食壽喜燒之前清新一下。
A5和牛壽喜燒
和牛有2片，店員會係燒之前俾客人睇下塊肉的雪花紋，俾客人影下相。美中不足唔可以好似日本咁每枱自己一個爐讓店員可以直接係客人面前烹調。
壽喜燒當然要配日本蛋啦，每一片和牛都大過手掌，食一片已經好有滿足感。
可以自選配飯或者烏冬，冷稻庭烏冬夠晒凍，冷麵汁亦好香濃。和牛無論配飯定烏冬其實都係咁襯！
💭日山·晚巿套餐
前菜比「松」少，不過好食的都有齊。
A5和牛扒配日式芥末酸汁
賣相好靚，和牛煎得剛剛好，有少少入口即溶的感覺。
甜品係一個迷你綠茶卷蛋配柚子雪芭。
哩度的柚子好出色，雪芭再度有驚喜。
如果係女仔食我覺得可以唔洗叫2個「松」餐，因為份量比較多。可以叫其他餐或者a la carte share黎試下。
總括嚟講，服務態度好好，會經常留意客人需要。訂位要襯早，就可以坐窗邊望住海景食啦。
Post
