霸王川莊 (iSQUARE國際廣場)

Open Now

Now Closed

一直都好鍾意喺isquare 食飯，好多餐廳都可以望住海景食午餐，宜家天氣有啲凍，就揀咗間川菜試，佢哋嘅午市套餐超抵食，價錢$148-$178，包左小食霸王三小併，瑤柱鮮魚羹，主食，絲苗白飯，八寶茶。霸王三小併叉燒偏肥，咬落去夠淋，有豬肉嘅香味；涼拌黑木耳咬落去非常爽口，連埋少少碎蒜蓉粒嘅蒜香味；蘆筍又清新又細嫩。瑤柱鮮魚羹鮮魚去左骨，切至細細粒，每一啖羹都食到魚嘅鮮味，加埋少許瑤柱碎，提升鮮甜味，非常有水準。主食 - 四川雙椒燜豬手🌶用咗紅辣椒同埋青辣椒去燜，賣相充滿色彩，豬手肉質爽口唔油膩，口感極佳。食得辣嘅朋友可以用辣椒加埋少許汁撈飯。主食 - 歌樂山辣子雞🌶🌶🌶一上枱已經見到差唔多全盤都係辣椒，份量仲多過雞肉，雞丁炸過，酥香可口，突出的乾香與麻辣味道令人垂涎三尺。八寶茶以玄米茶葉為底料，配菊花、紅棗、枸杞、龍眼乾等輔以冰糖，喝起來香甜可口，滋味獨具，非常滋潤養生。