Flame at Towngas Avenue (Closed)

想到間有海景嘅餐廳食飯，google完之後揀咗呢間喺中港城嘅名氣廊餐廳。因爲本身胃口唔大，所以單點咗一份西洋菜湯，番茄素豬肉意粉同latte。點完餐之後立即到露天平臺霸個靚位睇海景，係晴天嘅日落下睇海景真係無敵，自然海風涼涼哋好舒服。餐廳裏面環境都唔錯，環境清幽同音樂令用餐體驗好舒適。食物味道都唔錯，西洋菜魚湯幾好飲，西洋菜同魚令到個湯好鮮甜。我加錢點咗蝦配個湯，調味同蝦幾夾，惹味得嚟又唔會蓋過蝦味，同埋味道同個湯好襯。“肉醬”意粉幾驚喜，口感同真豬肉差唔多，我覺得呢種“肉醬”比起普通肉醬好太多，因爲我唔會食到筋，冇明明應該啖啖肉但係突然咬到筋個種突兀嘅感覺，而且當然啦，食素比食肉更環保。意粉都唔錯，粗管粉同肉醬幾夾，啖啖都係醬汁同香料味。最後用一杯玫瑰latte收尾，估唔到玫瑰香同咖啡都幾夾，雖然又多雲起上嚟，但係望住海景飲咖啡真係好舒暢。