Cafe Pho 1975 (Closed)

近近地返工食個早餐，地鐵站上大本營幾分鐘就到，舖頭係大堂，位置方便，環境開揚望到油塘海景，坐位闊落，可以對住個海飲杯咖啡，嘆一個相當吾錯既早晨。到門口收銀點完餐再入內坐，早上客人吾多，較多位可簡，點左份綜合越南麵包再配熱焦糖卡布奇諾。焦糖卡布奇諾焦糖味好香，早上聞到為之一振，飲落本身帶微甜吾洗再加糖，咖啡味配奶比例剛好。綜合越南麵夠熱有脆口，本身個包比較乾身，裡面有青瓜、豬頸肉、同小小配菜加沙律醬，食落好飽肚，另一番風味，係一個較異國風情既早餐。