澳瑪葡國菜 (Closed)

朋友帶我嚟食海景晚餐星期五晚上心情特別靚，仲見到可愛B·Duck喺門口添！星期五晚人頭湧湧咁，好彩朋友有訂位，咁就坐到海景位香港既夜景真係無得輸，睇幾多次都唔會厭架。呢度既餐具好靚，好有藝術感。一人叫咗一杯Sangria，好飲，喺維港夜景襯托下，咩都好飲啲。呢度啲沙律份量超大，而且用料新鮮，配搭清新，大愛。期待既龍蝦可惜有少少overcooked，乾身咗，如果唔係配合佢個味道應該好唔錯！呢隻燒雞就認真失望啦，燒得太耐啦，又乾又鞋，唔好食⋯⋯不過環境嚟講呢度真係好唔錯，雖然滿座時真係嘈咗啲，但美景當前，座位寬敞，同朋友相聚都係一個好選擇，只係如果佢啲main course都比返啲水準就會更好啦。