紅葉茶屋 (海之戀商場)

Open Now

Now Closed

放工搵食，最想搵一間可以靜靜地chill下既餐廳慢慢食，慢慢嘆啦。行過海之戀，見有間新日本餐廳係3樓，幾好呀，高D，人流少D，唔使等位，裡面都坐咗唔少人，裝修環境又好舒服，就佢啦。坐低就安排坐咗去塌塌米包廂既四人位，私隱度十足，仲望到海景同餐廳露台嘅紅葉，幾有氣氛嘅。點咗兩個茶漬飯定食，可以就咁食，又可以撈埋熱辣辣嘅蝦湯，幾岩呢個時候食。🖤和牛茶漬飯 + 溫泉蛋和牛好嫩滑，好夠味，大大塊，一D都唔吝嗇咁鋪滿成碗飯。前菜配嘅牛榜絲同漬菜都好開胃。🤍Deluxe 鰻魚茶漬飯又係大大條鰻魚，好厚好大條，啖啖嘅照燒鰻魚，大滿足。🩶小食都花多眼亂，最後點咗明太子雞翼同一口帶子，炸得好香脆，炸粉部份唔算多，食到食材嘅原汁原味。