紅葉茶屋 (海之戀商場)

Open Now

Now Closed

紅葉茶屋係嚟自日本鎌倉嘅和風Cafe，木系裝修簡約雅致，有bar檯、普通座位同榻榻米和室，適合唔同人嘅喜好。為咗留肚食甜品，我哋簡單點咗兩個主食。豪華海鮮丼茶漬飯 $178餐廳提供了茶漬飯的吃法，先品嚐刺身，然後把餸同飯放入細碗，把湯倒落個碗。海鮮全是刺身，鋪滿飯面，新鮮可口，三文魚肥美，吞拿魚赤身魚味濃郁，三文魚籽爽口，牡丹蝦香甜，帆立貝滑身厚實。湯方面有鰹魚昆布湯同蝦湯選擇，我們選咗鰹魚昆布湯。太豪氣一次過倒咗落個大碗，不過都唔怕，個湯清清哋飲落好舒服，唔會蓋過刺身嘅味道，加上山葵更能提鮮。海鮮蕃茄拉麵 $108都幾大碗，麵雖幼身但軟硬適中，容易掛湯。蕃茄湯底香濃開胃，唔會太鹹亦唔會好膩。海鮮有蜆、魷魚同蝦，最驚喜係蜆肉數量又多又大隻，厚身鮮甜。旬之野菜  跟主食+$30每次食飯都好需要一碟菜，呢度嘅炒菜材料不少，有椰菜、洋蔥、菇、黃椒、蘿蔔等，以黑椒和芝麻調味，味道不錯。紅葉三重奏 $98啱晒有選擇困難嘅朋友。呢個set有蕨餅、抹茶雲石紋芝士蛋糕及迷你芭菲！原味蕨餅柔滑軟糯，味道微甜，可以同其餘兩款甜品一齊食。抹茶雲石紋芝土蛋糕個樣幾靚，以抹茶同芝士嘅交織紋理模仿雲石，見到就想食

為食🐑又食日本嘢，呢間「過江龍」Cafe 都食過幾次，今次食咗個超抵2人套餐，季節限定🌸其中都有特別菜色，let's go!🐼呢間分店有普通座位同日式和室，實現「熊貓經濟」？好多🐼🐼好cute，啱晒大家打咭！前菜兩款🍁紅葉四點盛紅葉四點有齊晒我鍾意嘅嘢💖炸蝦香脆鹹香十足，刺身拼盤入面有新鮮嘅三文魚🍣吞拿魚帶子，另外Wasabi八爪魚好惹味，最後食埋枝豆中和一下就perfect啦！🥗小龍蝦沙律小龍蝦沙律份量勁多，鹹香滿滿嘅小龍蝦配搭沙律菜！🦞🐟🧀三文魚他他芝士脆片（追加＄20）呢個值得加💰芝士味好濃郁，底層脆皮夠香脆，混合三文魚他他同三文魚子，整體味道唔錯！✨主食✨🦐自家製柚漬赤蝦手卷好得意呀，可以自己DIY 整手卷！由於醋飯加咗自家製油漬，入口充滿柚子香，味道香甜，另外赤蝦好大隻又新鮮，配搭醃蘿蔔同埋柚子皮，玩味十足又好味！🦀松葉蟹味噌拌麵🥢蟹迷🦀實鐘意啦（即係我！）入面有齊我最鍾意嘅蟹肉同蟹膏，撈埋一齊又點會唔好食呀？呢個麵比較幼身嘅款式，啱晒鍾意食天使麵嘅朋友，⁉️底層仲辣粉，大家可以撈埋一齊食，味道Double up！呢個麵仲配咗麵豉湯、青瓜、醃蘿蔔，令到味道更加豐富有層次！🍵🍵🍵

紅葉茶屋最近新推出𝙇𝙞𝙜𝙝𝙩 𝙊𝙢𝙖𝙠𝙖𝙨𝙚✨ 只需$688兩位就可以品嘗到多道菜式，賣相精美又份量十足，當中包括招牌抹茶甜品，性價比好高😍 嚟緊情人節記得要提前預約呀😚❀ 紅葉四點盛 🥢用木盒盛載著4款前菜：吞拿魚刺身、酥炸脆蝦、蓮藕漬及枝豆✨ 吞拿魚刺身肥美鮮嫩，炸蝦酥脆香口，擺盤好靚😍 ❀ 小龍蝦沙律 🥗表面灑上炸芋頭絲，小龍蝦肉質彈牙，配上爽脆嘅沙葛，酸甜開胃😚❀ 三文魚他他芝士脆片 🐟芝士脆片口感香脆又重芝味，配上三文魚他他及三文魚籽，層次感豐富，鮮味十足👍🏻❀ 高湯浸煮北海道刺身帆立貝 🥄帆立貝大大粒又鮮甜，加埋三文魚籽更顯鮮味❀ 自家製柚漬赤蝦手卷 🦐可以自由配搭手卷配料好好玩✨ 赤蝦刺身充滿柚子清新香氣，配埋沙葛及蓮藕更有口感❀ 秘傳醬汁脆鰻魚 🥢炸鰻魚外層酥脆，裹滿秘製黑糖醬汁，味道香甜又帶微辣感覺，有驚喜呢❤️❀ 料理長之季節限定 (紙鍋牛) 🐮壽喜燒牛肉鍋非常足料，鋪滿牛肉、豆卜、冬菇及蔬菜，索滿湯汁食好正👍🏻❀ 松葉蟹味噌拌麵 🦀拌麵入面加入大量蟹肉，可配搭旁邊嘅蟹味噌醬及辣粉，味道更濃郁惹味😝❀ 宇治抹茶蕨餅 🍵❀ 宇治抹茶提拉米蘇 🍵甜品揀咗抹茶tiramis

食過幾次呢間日本過江龍嘅紅葉茶屋覺得質素都可以佢哋推出咗二人前Light Omakase ( ᴴᴷᴰ 688/2ppl )賣點係以頗親民嘅價錢食到精緻料理相比起出面嘅廚師發辦，每道前菜同主菜都精心配搭味道整體不錯，食完飽到上心口🫄🏻不過想食嘅話，佢哋只接受提前預約 𓂅 三文魚他他芝士脆餅 脆餅帶芝士鹹香，配上三文魚和魚籽帶魚嘅脂肪口感而且魚子本身亦鹹味，味道和口感都有層次✨𓂅 秘傳醬汁脆鰻魚想不到鰻魚原來是炸的，稍嫌炸衣偏厚蓋過鰻魚🤏🏻外層炸得香脆不油膩，塗上醬汁鹹中帶甜𓂅 自家製柚漬赤蝦手卷☺️🍙好特別有得自製おにぎり❕赤蝦和飯味道不錯，喜歡加上醃蘿蔔平衡脂肪口感𓂅 松葉蟹味噌拌麵松葉蟹打成醬來拌麵吃，味道不算太鮮但濃郁👌🏻𓂅 高湯浸煮北海道刺身帆立貝帆立貝肥美入味，把高湯也一拼飲完🙂‍↕️𓂅 料理長之季節限定（ 紙鍋牛すき焼き ）這個季節果然還是要吃壽喜燒，壽喜燒湯底都濃郁牛肉質素還好，但啖啖肉麵幾滿足𓂅宇治抹茶提拉米蘇𓂅 牛乳軟雪糕來到一定要試佢哋嘅抹茶甜品/飲品🍵提拉米蘇最底下的手指餅有微微抹茶味唔算好濃郁但配上忌廉食，整體味道平衡𓂅 抹茶牛奶

嚟自日本鎌倉🇯🇵嘅人氣和風Cafe店☕️ 紅葉茶屋 ，其木系裝既簡約又雅致舒適，店內有一邊連接大露台，外有一個小花園，風景一流😍。今日DuckGor🦆特登選擇吧枱，正好一邊享用美食，一邊欣賞日落黃昏美景🌄，好chill🥰。豪華海鮮丼茶漬飯 $178海鮮鋪滿飯面🍱，刺身十分新鮮甜美，有柔軟的帶子，爽滑的牡丹蝦🦐，魚油味十足的三文魚籽，肥美的赤貝及三文魚🐟。刺身加上珍珠米飯🍚及小量wasabi一齊食，鮮甜味美，亦可加入香濃蝦湯🦐一齊食，鮮味中帶帶香濃蝦味，同樣令人回味無窮😋。黑蜜原味蕨餅及抹茶蕨餅 (跟餐 +$20)蕨餅柔滑軟糯，味道微甜，蘸上黑蜜，多了一份黑糖嘅甜蜜味道，更加香甜😋。桃子及洛神花茶 (跟餐升級特飲 +$20)洛神花茶味道酸酸甜甜，暖胃又消膩🥰。和牛壽喜燒定食 $178定食跟2份清新醒胃的漬物，鹹香的麵豉湯、飯味十足的珍珠米飯及溫泉蛋🥰。壽喜燒鍋內有豆腐、椰菜、鮮菇、紅蘿蔔及洋蔥，仲有份量勁多和牛肉片🐂。肉片柔軟腍滑，肉香味濃仲有陣陣油脂香，配菜吸收咗湯汁，味道香甜，佐飯一流🤤。帶子刺身4片 (跟餐 +$38)帶子厚肉又大粉，肉質細膩柔軟，鮮香味甜，好新鮮🤤。冰忌廉抹茶拿鐵

同妹妹喺荃灣行完街，去海之戀Donki買嘢，順便一齊食埋晚飯。喺Donki出嚟同層，見到呢間日本餐廳比較新未試過，就試吓！原來餐廳係日本鎌倉過江龍，整體環境木系簡約風，餐廳行到最盡係半開放式嘅榻榻米位，玻璃窗有好多熊貓貼紙裝飾，望出去仲有海景，隔籬枱係咁打卡！職員推介季節限定二人套餐，睇完Menu覺得食物都啱食，性價比又幾高，順理成章就點咗呢個餐！⚫️紅葉茶屋二人前$488✔️龍蝦沙律以為套餐嘅前菜唔會好大份，點知一上枱都幾驚喜，沙律菜份量都幾多，上面有一大個龍蝦肉粒和明太子球，撈埋沙律菜和醬汁食，好清爽。✔️紅葉四點盛呢個前菜都好有誠意，擺盤好精美，4款小食包括：芥末八爪魚、帶子吞拿魚三文魚刺身、炸蝦仔、枝豆。幾款都各有特色，啱夏天食，又可以過下口癮。✔️豪華和牛肉壽喜燒(附送日本產米飯及麵豉湯）+$58壽喜燒牛肉加錢升級咗和牛，牛味係香濃啲、肉質腍啲，而且份量仲幾多。個鍋入邊有好多蔬菜，壽喜燒汁甜甜嘅醬油味，好啱送飯食。✔️吉列豬扒&廣島蠔(附送日本產米飯及麵豉湯）豬扒同蠔炸得非常香脆，但食物本身水份又冇流失，一啖咬落去，仍然食到豬扒嫩滑，廣島蠔蠔汁泌晒出嚟。✔️鎌倉紅葉茶屋抹茶提拉米蘇+$1

今晚約咗朋友去荃灣紅葉茶屋食晚餐，餐廳裝修簡約，設有榻榻米座位，好岩打卡。前菜，豆腐魚餅同番茄胡麻沙律金黃色嘅魚餅外皮煎得微微焦脆。咬落去先係脆口，混入豆腐嘅雙重嫩滑。沙律用上車厘茄，胡麻醬香濃但唔膩，清新開胃。豪華和牛肉壽喜燒定食壽喜湯汁仲咕嚕咕嚕咁滾緊。和牛紋理分明，肉質柔嫩，同壽喜燒汁完美融合。配日本珍珠米飯，撈埋流心溫泉蛋，非常好味。照燒三文魚定食三文魚皮煎得脆卜卜，魚肉保持住嫩滑，加配嘅旬之野菜，清甜爽脆，正好平衡三文魚豐富嘅油脂。和風炸雞盛合炸得恰到好處，雞全翼嘅調味帶微微蒜香，擠上檸檬汁後更加開胃。

其他分店都有幫襯過~就係無黎過荃灣呢間~今日喺到食個late lunch,絕對係超滿足~坐喺和室，望住個靚景食好西~正！🔹豪華海鮮丼茶漬飯🔹 有甜蝦、三文魚、呑拿魚、帶子、三文魚子~刺身好新鮮，有啲驚喜~加埋蝦湯變茶漬飯鮮上加鮮！🔹和牛肉壽喜燒定食🔹正當我慢慢享受茶漬飯嘅時候，望一望隔離已經差唔多食完，好彩仲試到塊和牛，真係幾嫩又好香牛味，唔怪得食得咁快~🔹鎌倉紅葉茶屋抹茶提拉米蘇🔹每次幫襯必叫！水準依然，打卡外型依然~食完好滿足~🔹黑蜜原味蕨餅&抹茶蕨餅🔹跟餐加左碟蕨餅~兩個味都唔錯，質地就淋啲~但我個人好ok~🔹鎌倉紅葉茶屋特製軟雪糕芭菲🔹大食鬼上身！好足料！啲抹茶cream好豐厚，好似食雪糕咁~食完飽到上心口！但好開心~🔹飲品🔹冰雜莓&香橙紅茶- 唔加糖漿都已經好好飲，好refreshing!雪糕抹茶拿鐵-濃濃嘅抹茶味，但又唔會苦~好飲！

之前同老窦喺附近嘅日式餐廳食晚餐，覺得食物食材新鮮好味，非常推薦大家去試嚇。荃灣呢間紅葉茶屋，日本菜色都幾正宗，然後口味都中咗老爹嘅喜好，最緊要係價錢公道，環境又好。我哋叫嘅係鯖魚定食，鯖魚燒得恰到好處，甜美嘅魚肉仲伴有油香味，肉質緊緻，非常惹味。老窦話呢度嘅鯖魚處理得好好，完全冇腥味，好味到不得了。我自己就試咗生薑豚肉。呢度嘅豚肉唔會有太重嘅薑味，而且食落去甜甜地，好討喜，醬汁都好香，配飯一齊食，簡直係完美。另外我哋都叫咗小食。雞翼炸得金黃酥脆，肉質肥美多汁，一口落去，好juicy！加上明太子做調味，雞翼食落去更加香！比起雞翼，老窦話呢盤海鮮炸物更加深得佢心。海鮮有蝦子、蠔肉同豆腐魚餅。每一樣食材新鮮無比，炸得酥脆，每一口都充滿鮮味！老窦對呢間餐廳嘅食物評價好高，下次仲會再嚟！

🍁 紅葉茶屋 位於海之戀商場 日式和風cafe 🎏 點了季節限定 二人套餐 🍽️ CP幾高 💫 木系裝修 舒適寬敞 🪵--- 前菜 ---🍱 紅葉四點盛四款特色前菜 擺盤精美吸引刺身新鮮 炸蝦香脆 還有枝豆🥗 龍蝦沙律 生菜清爽 開胃鮮甜--- 主食 ---🍜 豚骨拉麵拉麵彈牙 湯頭濃郁 有黑麻油 增添風味🦪 炸豬扒＋廣島蠔外酥內嫩 豬扒鮮嫩 炸廣島蠔柔嫩多汁 搭配日本米 超級下飯--- 甜品 ---🍦 軟雪糕 期間限定 幼滑細膩🍰 抹茶芝士蛋糕 奶香柔滑 帶有茶香

前晚同老公嚟咗荃灣嘅紅葉茶屋，度過咗一個好chill嘅晚餐。 餐廳環境幾靜，氛圍唔錯，好啱放鬆同享受美食。今次我哋揀咗個雙人套餐，份量啱啱好，每一樣嘢都唔錯，仲有啲小小嘅驚喜。紅葉四點盛嘅炸蝦、刺身等小食都幾清新。 食落冇咩重調味，純粹係食材本身嘅鮮味，食完有種自然嘅感覺。炸豬扒同蠔真係唔錯。 炸豬扒外脆內嫩，唔會太油膩，配埋啲酸甜嘅醬汁，好開胃；鮮蠔係新鮮嘅，冇咩腥味，味道唔錯，幾啱我哋口味。跟住就係香辣燒牛肉。 牛肉夠嫩，辣味唔算重，調味啱啱好，食落去勁夠味，配埋米飯食真係一流。之後嘅沙律清新又開胃，唔止有龍蝦，仲有啲時令菜，配埋啲輕盈嘅沙律醬，唔會太濃，啱啱好。甜品方面，抹茶白玉同抹茶芝士蛋糕都好有特色。 白玉好滑，抹茶味唔苦，唔會太甜，啱啱好；芝士蛋糕質感濃郁，唔會過膩，味道係好均衡。呢個套餐嘅食材新鮮，份量啱啱好，唔會太重負擔，真係幾適合想輕鬆用餐嘅人。 簡單又滿足，肯定會再黎！

今日去到荃灣呢間紅葉茶屋，個二人套餐好抵食！前菜龍蝦沙律，蟹籽醬好多，每啖都「卜卜」聲爆珠。龍蝦肉撕到幼但份量好多，彈牙度十足，食完成個好refresh！紅葉盛點有炸蝦，肉好Q彈；毛豆鹹香，惹味；刺身盛合，一啖咬落去個魚脂黐住牙齒回甘！主菜嘅炸物拼盤-炸豬扒+炸蠔！豬扒拍打到鬆化唔黐牙，炸到金黃色，咬落「咔啦」聲之後係爆汁嫩肉。炸蠔炸到外脆內流心，仲keep住汁，好送飯。豚肩肉片，用咗薑汁製成，大大塊幾厚的豚肩肉片，油脂分配比例好好，肉質口感唔係個d煮到干／老的咁，但同時味道好足👍🏻菜脆口，仲keep到鮮味，撈埋珍珠飯食真係可以KO兩碗！甜品嘅抹茶芝士蛋糕，芝士creamy得嚟帶微微鹹香，抹茶粉甘苦味平衡得正好。牛奶雪糕奶味好香好濃郁

前幾日同同事去咗荃灣嘅紅葉茶屋食午餐，聽聞呢間店環境舒服，而且午餐set都幾抵食。餐廳氣氛輕鬆，正適合忙裡偷閒嘅午餐時光。香噴噴嘅蜆肉烏冬 🍜首先試咗烏冬，湯底好清甜，帶住少少柚子嘅香氣，同蜆肉嘅鮮味夾得啱啱好。烏冬滑溜彈牙，每啖都覺得好好味，同事話食完一碗暖笠笠，真係滿足呀！👍茶漬飯配三文魚刺身 🐟另外嗰道係茶漬飯，簡簡單單一碗飯，配咗火灸過嘅三文魚刺身。魚肉有少少炭香味，加埋茶湯一齊食，清清淡淡但好滋味，完全唔覺得膩。飯粒吸收咗茶湯嘅香味，暖暖地帶住少少甘香～💕環境舒服，出品穩定，價錢合理。如果鍾意簡簡單單嘅日式料理，呢間可以試下啦！

平時我自己本身唔係好食日本菜，但係荃灣呢間紅葉茶屋就啱曬我嘅口味，佢哋嘅日本菜好有特色，而家仲有雙人套餐可以點，餐單睇起嚟就係非常唔錯。佢哋嘅前菜上嚟就有龍蝦醬沙律，食材已經好豪華，然後小菜拼盤入面都有好新鮮嘅魚肉刺身，唔單止豪華，仲非常新鮮，食物放入口中就已經可以品嚐到鮮味。叫嘅主餐係炸豬扒同蠔，仲有牛肉壽喜燒。先嚟講講佢哋唔同凡響嘅牛肉壽喜燒，湯汁煮得好入味，把料同湯汁泡喺米飯入面，等飯粒吸收精華，每一啖都係風味十足。炸豬扒同蠔都好有特色，冇諗到蠔都可以咁樣食，非常推薦。甜品嚟上兩塊蛋糕，好滿足，cheese cake係抹茶口味，口感好濃郁，又唔會膩，另外一個抹茶提拉米蘇口感就好絲滑，食咗仲會回甘。另外，飲品我哋要咗清酒，食肉飲酒就係好正。

週末下午，我同老公搵咗間主打日式輕食嘅餐廳，呢度嘅裝飾係簡約風格，加埋柔和燈光，令人即刻放鬆。我老公點咗香蔥柚子蜆肉烏冬，呢個烏冬面嘅湯底好特別，入面嘅蜆肉又鮮嫩多汁，每一啖都好好食，滿足味蕾。我揀咗和牛茶泡飯，茶湯味道好濃郁，好香，牛肉入口即化，配埋茶香，非常好食。我哋點咗兩種唔同嘅飲品，我嗰杯係冰雜莓紅茶，紅茶味道真係好香，配埋酸酸甜甜嘅雜莓，好好飲；我老公就揀咗熱生薑蜜茶，濃郁嘅生薑味配埋蜜茶，唔會太辣，味道啱啱好，都好好飲。呢度嘅食物好好食，環境又舒服，服務又周到。下次有機會，我仲想帶屋企人一齊嚟試吓呢度嘅菜式