靖·火鍋 (Closed)

天后新開咗一間火鍋店，喺得天后其實都算方便，又冇銅鑼灣啲餐廳咁多人，感覺舒服啲，食完又可以去銅鑼灣行街。靖·火鍋位於天后一座新式大廈入面，大廈新淨企理，入去戈陣比人感覺舒服。大量醬料擺咗喺出面，客人可以自取，吾洗排隊爭住拎。有3款湯底供客人選擇，豬骨、麻辣同埋藥膳，本身吾系好食得辣但又會想試吓辣，揀咗鴛鴦湯底，以防麻辣戈邊太辣都可以點番豬骨戈邊🤪結果發現都吾算非常辣，可以接受。時蔬拼盤有萵筍、蓮藕同埋火箭菜，萵筍真系超好食😋平時冇乜地方食到，爽口清甜。食冰鎮鮑片真系夠曬奢侈呀，鮑片事先都比廚師切到系適量嘅厚度，鮑片好新鮮，嚼勁程度啱啱好。蝦滑同墨魚滑向來都系打邊爐必食，2種滑嘅味道都非常新鮮，蝦同墨魚嘅味道都好濃郁，整熟之後口感實在。跟住系手切美國牛肉，叫得手切嘅牛肉真系多數系吾同啲，條紋清晰，中意佢冇乜脂肪，口感就冇咁肥膩。每一片都做到好薄身，有入口即溶嘅感覺呀。三色麵喺出面真系勁少食到😳就咁睇以為3款嘅味道會爭好遠，原來又吾會，食落都系有蔬菜味，口感似蝦子麵。