奇納百川 (Closed)

星期四放假前夕約左男朋友一齊食晚餐，去左海港城一間以奇太郎為主題既韓國餐廳食。坐窗邊位仲可以望住海景，一路食飯一路欣賞夜景。我地叫左三樣野食: 明太子蛋卷紫菜包飯卷、海鮮炒粉絲、三文魚子海膽忌廉醬烏冬。明太子蛋卷紫菜包飯卷我好鍾意食紫菜包飯，所以一定要叫黎食。包住既材料有青瓜絲、紅蘿蔔絲、蛋絲、漬物，加左好多芝麻，麻油味幾出，簡單又飽肚。海鮮炒粉絲份量幾多，海鮮有小元貝、小蝦仁、小蜆，調味帶甜，好有韓國既感覺。三文魚子海膽忌廉醬烏冬忌廉醬十分creamy，甜甜地，烏冬非常掛汁，加上大量三文魚子同海膽，好食。