海岸餐廳

Open Now

Now Closed

第一次喺愉景灣食早餐， 周圍行，好多食肆都未開門，好彩見到呢間好似快餐店嘅冰室， 所有食物都係食慣嘅，貼地嘅 ，行入去仲有海景位，而且好少人。於是就去揀早餐，兩個人都有選擇困難症，睇咗好耐，終於有結果啦。 一開估， 兩個都揀咗雞扒米粉，真係心有靈犀，🥰🥰不過飲品不同，一杯奶茶，一杯咖啡。望住海景等嘢食， 啲食物都唔錯，40蚊一個早餐算係幾平，碗雞扒米粉好大，夠熱。👍嚿雞扒都ok，我杯咖啡更加好，食得好舒服。第一次食海景茶餐廳 ，個感覺都幾特別 ，40蚊就有個海景早餐真係好平好抵。但係發覺一個特別嘅情況，呢度嘅服務人員啲態度都有啲問題，一朝早黑口黑面，悔悔氣氣，問問題嗰陣時愛理不理，我哋叫兩碗都係米粉，但係張飛就打咗一碗通粉一碗米粉，話畀佢聽嗰陣時，只係好晦氣咁改咗。嚟呢度嘅環境同嘢食都唔錯，諗住都畀好評㗎啦 ，但係呢啲咁嘅服務態度唔要得，🙄所以都係要反映下，希望以後可以改善。💪愉景灣呢個社區咁靚，希望啲配套服務都可以跟得上。🤓