Video
Read full review
2021-03-14
1168 views
之前同事介紹我海港城有一間泰國餐廳好正，今日同咗好耐無見嘅朋友仔去試下佢。嚟到門口已經見到好多人等緊位。(呢張相係走嚟時候影嘅)侍應帶我哋去嘅位置好正，望正海景，非常有情調！同埋同隔離枱之間都有一定距離，可以放心！呢度都有好多泰國嘅特色飲品，我哋就每人叫咗一杯沙冰，一杯鮮椰子沙冰($48)同鮮芒果沙冰($48)，我飲咗芒果個杯，飲落去芒果味濃，唔會話太甜，正！冬蔭公($118)，嚟食泰國嘢又點可以唔叫冬蔭公呢，嚟到已經係有火開住保持個溫度，飲落去味道好濃烈，又正宗，唔會太辣，入面嘅料都好足，有成五隻蝦！黃咖喱軟殼蟹($188)，好開心有我最鐘意嘅軟殼蟹，入面有四隻，每一隻都超大隻，咖喱味道偏甜，好好食。落單時職員仲提埋我哋可以叫薄餅點咖喱嚟食，我哋都有叫埋，連埋一齊食啱啱好！燒豬頸肉配青木瓜沙律($128)，食咁多肉點都叫返個沙律(雖然豬頸肉先係重點)，豬頸肉好軟，係我鐘意食嘅口味，個汁就辣辣地，加埋一齊食好match！芒果軟殼蟹米紙卷($98)，雖然已經叫咗咖喱軟殼蟹，但軟殼蟹唔嫌多啦！而米紙卷又係朋友嘅飛佛，所以點都一定要叫呀！又係舊舊都好大舊，加埋個酸酸甜甜嘅汁又係好正。我哋嗌到
嚟到門口已經見到好多人等緊位。(呢張相係走嚟時候影嘅)
侍應帶我哋去嘅位置好正，望正海景，非常有情調！同埋同隔離枱之間都有一定距離，可以放心！
呢度都有好多泰國嘅特色飲品，我哋就每人叫咗一杯沙冰，一杯鮮椰子沙冰($48)同鮮芒果沙冰($48)，我飲咗芒果個杯，飲落去芒果味濃，唔會話太甜，正！
鮮芒果沙冰
$48
7 views
0 likes
0 comments
冬蔭公($118)，嚟食泰國嘢又點可以唔叫冬蔭公呢，嚟到已經係有火開住保持個溫度，飲落去味道好濃烈，又正宗，唔會太辣，入面嘅料都好足，有成五隻蝦！
冬蔭公
$118
16 views
0 likes
0 comments
黃咖喱軟殼蟹($188)，好開心有我最鐘意嘅軟殼蟹，入面有四隻，每一隻都超大隻，咖喱味道偏甜，好好食。落單時職員仲提埋我哋可以叫薄餅點咖喱嚟食，我哋都有叫埋，連埋一齊食啱啱好！
黃咖喱軟殼蟹
$188
14 views
0 likes
0 comments
燒豬頸肉配青木瓜沙律($128)，食咁多肉點都叫返個沙律(雖然豬頸肉先係重點)，豬頸肉好軟，係我鐘意食嘅口味，個汁就辣辣地，加埋一齊食好match！
燒豬頸肉配青木瓜沙律
$128
8 views
0 likes
0 comments
芒果軟殼蟹米紙卷($98)，雖然已經叫咗咖喱軟殼蟹，但軟殼蟹唔嫌多啦！而米紙卷又係朋友嘅飛佛，所以點都一定要叫呀！又係舊舊都好大舊，加埋個酸酸甜甜嘅汁又係好正。
芒果軟殼蟹米紙卷
$98
25 views
0 likes
0 comments
我哋嗌到成枱都係～！
最後，我哋都唔放過第二個胃，嚟叫多個甜品！
泰式奶茶雪榚配8式配料($58)，第一次食雪糕係有得咁加配料，而全部都係泰國甜品會用到嘅配料嚟，撈埋雪榚食個口感幾特別，雪榚奶茶味好勁，而甜度都比較強，因為泰式奶茶都比我哋一般嘅奶茶更加甜，所以都正常。
雪榚配8式配料
$58
12 views
0 likes
0 comments
呢個餐廳真係味道好，環境又正，下次約人聚會都會再考慮嚟呢度！
Post
