Mr Tomahawk Member of Louis Steak House

Open Now

Now Closed

今日同一眾靚女同事一齊去食豪d，去咗呢間對著海景，在金鐘的西餐廳。 黑白色地磚，有型得黎又高格調。一入間餐廳聞到一陣非常濃郁的茶味，可能剛剛沖茶lunch menu是用英文寫，不過待應係香港人，睇唔明都可以問先上餐湯和多士，擺盤靚仔，餐湯我覺得正正常常，個多士就超厚 （厚多士🤣），同好脆。 我自己叫咗Sirloin Steak Diane, 原來Diane在這道菜的意思是忌廉蘑菇汁，第一次食牛扒配呢種汁，都幾特別。 個汁淡淡的，無搶到牛扒本身的味道。 而個牛扒五成熟好腍，肉味亦出色。 另外配菜方面有薯仔和沙律菜，薯仔超正，少少香口得黎又腍到近乎薯蓉咁。之後仲有一杯哈x大雪糕作為甜品，餐飲叫咗檸茶，飲落無一入黎聞到個種好香既茶味，有點少失望。