濟州燒肉食堂

Open Now

Now Closed

位於北角匯嘅濟洲燒肉食堂，除咗燒肉，我想話一定坐海景位，對住北角東碼頭，遠望觀塘，有戶外位置，更可以180度睇海景嘆燒肉，好寫意！講返食物，濟洲燒肉食堂主打正宗韓式燒肉及韓食，鍾意🫶🏻肥美爽口彈牙嘅，一級五花肉你一定like，燒到豬皮香口爽彈，夾住油香豐富嘅豬肉，邪惡到不能抗拒！配上青芥末醬，減肥膩感更顯肉味！🐽仲有濟州産黑毛豬肋肉，長長一條肋肉，肉厚加上爽脆多汁，自帶香甜肉味，非常好食！燒肉又點少得牛肉！👅大蔥切牛舌，薄切快熟、入口有淡淡蔥香，脆口爽滑。🐮而和牛牛五花，肥瘦均勻，角切肉厚，肉味香濃，燒耐咗都keep住juicy唔乾。除咗燒肉仲叫咗🦐海鮮煎蔥餅，海鮮以蝦仁為主，但蔥才是主角，勁多勁多蔥，青香中帶着煎餅嘅軟糯。夏天我必食🥢黑米冷麵，冰凍高湯帶酸甜令人非常開胃，黑米麵相比蕎麥麵更煙韌，而且營養價值也相當高。🍹濟州特飲，青檸梳打清新消熱氣，韓燒點少得！