翰林茶館 (Closed)

今日同朋友7pm係尖沙咀book左做瑜伽，諗住唔好食太飽，朋友介紹咪黎左去 翰林茶館食台灣麵，襯住5pm冇乜人排隊，但舖內已坐滿九成客人，一入去見到環境清雅，仲有大玻璃望住海景， 一路食一路望住太陽落山嘅情景，十分浪漫。首先點選一個綜合拼盤A，包括有雞蛋，海帶，杏鮑菇，秀珍菇，黑木耳和豆腐，滷味十足，醒胃頭盤。主菜點了兩款鐵觀音茶麵， 客家滷豬肉茶麵和紅燒牛腩茶麵， 麵條是用鐵觀音茶葉做的，啖啖散發著茶嘅香味，五花腩食落爽口而不油膩，牛腩炆得夠腍又入味。飲品翰林綠茶，綠茶味夠香濃，叫了小甜，飲落消滯解渴。甜品黑糖丸子， 煙煙靭靭不是太甜有咬口。