Video
Read full review
2019-03-06
804 views
望住海景嘆個brunch✨ 同朋友做咗半日貴婦，響IFC the french window食brunch，六道菜逐個食，好似啲法國人咁一路食一路對住個海坐足兩個幾鐘你都咪話唔嘆🤤.先嚟個餐前小食小多士，蛋黃醬慕絲好有早餐果種開胃嘅感覺而慕絲化之後再輕盈啲，再加埋少少魚子醬令鮮度瞬間爆發，兩者混合起嚟好夾✨.跟住就係最心心眼嘅海鮮拼盤，有時令生蠔、波士頓龍蝦、蝦同青口，當日生蠔係N2 size嘅法國蠔，入口舒服鮮甜之餘個海水味唔會好霸道，就咁食隻原味第二隻就落佢個醋試，帶點白酒香又係另一種美味；而龍蝦肉質鮮嫩同平時食到果啲質素冇得比，拆個鉗時仲好似水槍咁噴汁好誇張🙈 其餘兩者都唔差，特別係青口嫩滑彈牙✨.餐湯係開胃嘅蕃茄濃湯，仲加咗片芝士成個質感幾creamy，再到兩款前菜有南瓜芝士雲吞同火腿朝鮮薊配藜麥，後者比較吸引因為將塊ham包住口感類似菇菇嘅朝鮮薊，個感覺其實有啲fusion幾得意😛.主菜有七款可選，當中有兩款因為食材關係要另外再加錢，鵝肝牛柳屬重口味之選，個燒味超香，而個牛柳帶炭烤味得嚟肉質又可以保持嫩滑，再連埋重酒油香嘅鵝肝一齊食，享受到一秒上天堂😂 而另一道主菜係芝士焗波
.
先嚟個餐前小食小多士，蛋黃醬慕絲好有早餐果種開胃嘅感覺而慕絲化之後再輕盈啲，再加埋少少魚子醬令鮮度瞬間爆發，兩者混合起嚟好夾✨
.
跟住就係最心心眼嘅海鮮拼盤，有時令生蠔、波士頓龍蝦、蝦同青口，當日生蠔係N2 size嘅法國蠔，入口舒服鮮甜之餘個海水味唔會好霸道，就咁食隻原味第二隻就落佢個醋試，帶點白酒香又係另一種美味；而龍蝦肉質鮮嫩同平時食到果啲質素冇得比，拆個鉗時仲好似水槍咁噴汁好誇張🙈 其餘兩者都唔差，特別係青口嫩滑彈牙✨
.
餐湯係開胃嘅蕃茄濃湯，仲加咗片芝士成個質感幾creamy，再到兩款前菜有南瓜芝士雲吞同火腿朝鮮薊配藜麥，後者比較吸引因為將塊ham包住口感類似菇菇嘅朝鮮薊，個感覺其實有啲fusion幾得意😛
.
主菜有七款可選，當中有兩款因為食材關係要另外再加錢，鵝肝牛柳屬重口味之選，個燒味超香，而個牛柳帶炭烤味得嚟肉質又可以保持嫩滑，再連埋重酒油香嘅鵝肝一齊食，享受到一秒上天堂😂 而另一道主菜係芝士焗波士頓龍蝦，肉質焗完依然嫩口彈牙，仲好細心咁挖空前面放埋拆咗殼嘅鉗肉落去一齊焗，幾鐘意個芝士香得嚟唔會太濃味，唔怕搶哂龍蝦啲鮮味✨
.
最後甜品都係各叫一款，士多啤梨慕絲蛋糕質地軟滑但論款式相對地比較平凡，而另一個竟然係芝士拼盤，見識少芝士當甜品都係第一次見😂 好過癮地將品同口味嘅芝士點上蜂蜜食，個味出乎預料地調和，完全冇違和感，見識到新領域呀😂
.
最後想講係佢個環境堅係一流，雖然當日未夠彩數望唔到摩天輪，但對住成個海咁食飯真係好爽皮，加上當日晏晝時間又冇乜人，近乎包場咁滯，冇諗過傾下傾下咁由一點半食到四點鐘先肯走都冇人趕😂 可惜走果陣唔記得影埋個海景俾大家睇，有機會自己去體驗下啦🙈
Post
