Video
Read full review
2016-05-10
437 views
每逢長假期後嘅第一日返工，假期後症候群都會密集咁，出現喺我哋嘅朋友群組之中。焦慮不安、昏昏欲睡、食欲不振、難以集中精神，呢D症狀喺日間反覆咁出現，完全影響工作情緒。但係我哋就硏發倒，一個治癒嘅良方，就係喺當晚，即時召集各方好友放工後再去 Happy 吓，離個假期小補給，地方當然係人氣高企嘅蘭桂芳啦！為咗提升治癒效果，我會比約定時間早D到，首先搵個好地方醫吓自己個肚先。離遠望倒一隻生猛得離，又帶住半醉眼神嘅蟹仔招牌 Holy Crab，好似幾得意。再望吓個餐牌，見到而家係 Happy Hour 時段，飲品買一送一，仲有最重要嘅就係，佢哋嘅廚師推介係好吸引嘅龍蝦三文治。即刻 Order 咗龍蝦三文治，再叫埋杯 Sea Breeze，自定為一個「海洋套餐」配合返呢度海洋 Feel 嘅裝修，而且鍾意呢杯 Cocktail 菓味比較重，酒味唔會太濃，清新甜酸嘅味道，最啱作為開胃酒。等咗十分鐘左右，龍蝦三文治有得食啦，個包望落去幾鬆軟，因為用嘅係軟法包，唔係硬框框嗰隻，唔洗淨係掛住𡁻個包，都唔知D饀係咩味，呢種軟度嘅包就啱啱好，完全配合晒龍蝦肉軟熟得離又彈牙嘅口感，而且D龍蝦肉加咗蔥同蝦籽一齊炒過
為咗提升治癒效果，我會比約定時間早D到，首先搵個好地方醫吓自己個肚先。離遠望倒一隻生猛得離，又帶住半醉眼神嘅蟹仔招牌 Holy Crab，好似幾得意。再望吓個餐牌，見到而家係 Happy Hour 時段，飲品買一送一，仲有最重要嘅就係，佢哋嘅廚師推介係好吸引嘅龍蝦三文治。即刻 Order 咗龍蝦三文治，再叫埋杯 Sea Breeze，自定為一個「海洋套餐」配合返呢度海洋 Feel 嘅裝修，而且鍾意呢杯 Cocktail 菓味比較重，酒味唔會太濃，清新甜酸嘅味道，最啱作為開胃酒。等咗十分鐘左右，龍蝦三文治有得食啦，個包望落去幾鬆軟，因為用嘅係軟法包，唔係硬框框嗰隻，唔洗淨係掛住𡁻個包，都唔知D饀係咩味，呢種軟度嘅包就啱啱好，完全配合晒龍蝦肉軟熟得離又彈牙嘅口感，而且D龍蝦肉加咗蔥同蝦籽一齊炒過，所以特別香口惹味，咬落去啖啖肉，真係好鮮味，食到停唔到口，仲有配菜係我最鐘意嘅粗薯條，熱辣辣，好有口感，點埋茄汁，又香又脆，再食埋個沙律仔，雖然細咗D，不過都好過冇，而且味道都唔錯。食完個咁好味嘅包，跟住再叫埋杯送嘅 Sea Breeze，飲飽食醉後，精神煥發、悶氣全消，身心實在大滿足。
望吓錶，時間都差啱多，要 Join 返D朋友繼續 Happy，咁聽日大家就可以元氣恢復咁返工啦！
Post
