海南少爺 (Closed)

🔸滷水拼盤 $178🔸沙嗲拼盤 $118/6串🔸招牌海南雞飯拼馬來西亞肉骨茶 $138-同男朋友去海港城行街，行到攰攰哋就揀咗依間海南少爺，食吓星馬菜～仲有靚景窗邊位，望海超靚啊！首先叫咗沙嗲拼盤，6串雞同豬嘅串燒，燒得好香同肉質鬆軟，配埋超濃郁惹味嘅沙嗲醬汁，超加分好好味！仲叫咗滷水拼盤超豐富，有齊豬手、雞腳、豆腐、溏心蛋同鹹酸菜，滷水好入味！雞腳滷到唔駛用力咬都骨肉分離、豬手充滿骨膠原、豆腐外皮入味內裡又好嫩滑、溏心蛋半流心好正😍因為多小食，所以主食只叫了一款share，必食海南雞飯吖！雞件皮香肉滑，配油飯一流！套餐仲拼埋細肉骨茶一碗，藥材味十足，甘而不苦～