Da Filippo Trattoria (Closed)

之前同屋企人來食過一次晚餐，感覺都幾好，呢個海運大廈呢排都開咗好多間餐廳，除咗漢堡包，酸菜魚，越南河粉，之後到有間新開嘅意大利菜。當然原來意大利菜比起頭先我講嗰三間都歷史悠久少少，老公話我知原來呢度開得最耐。今日有得食tea，佢話呢度個tea好好食，我都好出奇，因為呢度話食意大利嘢，但係點解又會有Tea食呢。呢個地方都幾適合飲酒，原來有一個bar，我哋自己各點了一杯Cocktail。原來除咗意大利粉，薄餅之外呢度仲有好多唔同種類嘅嘢食。不如今日先講吓個Tea。呢個叫Da Napoli tea，都好多唔同嘅類型嘅食物，有鹹有甜，先講甜點，伯爵茶提拉米蘇杯，玫瑰花荔枝慕士蛋糕，宇治抹茶雪糕泡芙，呢三個甜品都非常之靚，同酒店嘅出品一樣，老公話伯爵茶提拉米蘇杯好好食，食落有holiday inn嘅氣息。我自己就覺得荔枝慕絲蛋糕好正，平時呢啲慕絲蛋糕都會甜到不行，但呢個剛好。宇治抹茶雪糕泡芙好似平時街買嘅泡芙咁，都幾好。鹹點有柚子醬巴馬火腿蜜瓜酥，魚子醬蟹肉沙律紅茶奶油包,洛神花三文魚迷你漢堡，我自己覺得三文魚漢堡最特別。柚子醬巴馬火腿蜜瓜酥，蜜瓜好甜，巴馬火腿原來好夾柚子醬，不錯的配搭和新鮮。